Краснодарга дэлби тэбии буолла

Ыам ыйын 26 күнүгэр сарсыарда 4 чааска Краснодар куоракка Морская уулуссаҕа дэлби тэбии буолла, икки дьиэ эмсэҕэлээтэ. Краснодарскай кыраай Суһал ыстааба иһитиннэрбитинэн, эмсэҕэлээбит киһи суох. Биэс этээстээх дьиэ кырыыһата, түннүктэрэ алдьаммыттар, умайыы суох диэн ТАСС иһитиннэрэр.

Краснодар куорат мээрэ Евгений Наумов бэлиэтээбитинэн, Гаражная уулуссаҕа турар дьиэ түннүктэрэ эмиэ алдьаммыттар. Ону тэҥэ, чааһынай дьиэ кырыыһата алдьаммыт.

“Суһал сулууспалар үлэлээн бүппүттэрин кэннэ, тута дьиэлэри өрөмүөннүөхпүт. Билигин быһылаан төрүөтэ быһаарыллар. Олохтоохтору уолуйбаккытыгар көрдөһөбүн”, — диэн кини Telegram-ханаалыгар суруйбут.

Сорох дьон дэлби тэбиини видеоҕа уһулбуттарын, хаартыскаҕа түһэрбиттэрин Интэриниэккэ уктулар. Куоракка улахан долгуйуу, уолуйуу суох.

Интэриниэт саайтар “бу дроннар атаакалара” диэн суруйаллар. Ол эрээри, былаас өттүттэн ону бигэргэтэ иликтэр.