Красногорскайга теракт сиэртибэтэ 93 киһиэхэ диэри улаатта

РФ Силиэстийэлиир кэмитиэтэ «Крокус сити холл» комплекска теракт сиэртибэтэ 93 киһиэхэ диэри улаатта диэн биллэрэр.

Биэдэмистибэ РФ Холуобунай Кодексатын 205-с ыстатыйатынан холуобунай дьыала тэрилиннэ.

ФСБ дириэктэрэ дойду Бэрэсидьиэнигэр 11 киһи, ол иһигэр түөрт террорист тутуллубуттарын туһунан дакылааттаата. 100-тэн тахса эмсэҕэлээччини балыыһаларга киллэрдилэр. Террористар кэнсиэр саалатын дьиэтин уматарга анаан түргэнник умайар убаҕаһы туттубуттар уонна дьону автоматынан ытыалаабыттар биллэр диэн Кириэмил пресс-сулууспата биллэрэр.