«МУУС УСТАР» бэстибээл чэрчитинэн Дьокуускайга бэҕэһээ, бүгүн Үлэ кыбартаалыгар «Креасфера+» диэн цифровой худуоһунньуктар куонкурустара ыытылла турар.
Куонкуруһу тэрийээччилэртэн биирдэстэрэ Нюргуяна Ефремова тэрээһин тула санаатын үллэһиннэ:
— Биһиги куонкуруспутугар кыттаары эдэр ыччат тохсунньу 20 күнүттэн кулун тутар 5 күнүгэр диэри сайаапкаларын уонна үлэлэрин ыыппыттара. Биһиги уопсайа 117 үлэни туппуппут. Онтон талан, сүүмэрдээн 24 үлэни талбыппыт. Куонкуруспутугар саастарынан көрөн икки бөлөххө араардыбыт. Ол курдук 14-17 cаастаах уонна 18-35 диэри саастаах оҕолору уонна ыччаты талбыппыт. Икки бөлөҕүнэн уон иккилии киһини талбыппыт. Эспиэртиир хамыыһыйабытыгар Арктическай институт учууталлара, о.д.а айар куттаах, манна сыһыаннаах дьон куонкуруска киирбит үлэлэри сыаналаабыттара. Амма, Чурапчы, Өлүөхүмэ, Бүлүү, Мэҥэ Хаҥалас улуустарыттан, ону сэргэ Дьокуускай куораттан устудьуоннар кытта кэллилэр. «Креасфера+» иккиһин ыытыллар, оттон бэстибээл иһинэн аан бастакытын трек быһыытынан киирдэ. Цифровой худуоһунньуктар планшекка уруһуйдаан ыыппыттара үлэлэрин. Тиэмэтэ — Улуу Кыайыы 80 сыла. Билигин ол сүүмэрдэммит үлэлэр быыстапкалара Үлэ кыбартаалын бастакы этээһигэр буола турар. Бэҕэһээ үөрэтэр интенсив диэн буолбута. Кыттааччыларга спикердэр «Ойуулук» анимационнай устуудьуйаттан Таисия Тарабукина кэлэн худуоһунньук оруолун кэпсээбитэ. Маны сэргэ «UuU» диэн анимационнай устуудьуйаттан кэлэн маастар-кылаас ыыппыттара. Цифровой живопись туһунан эмиэ кэпсээбиттэрэ. Салгыы цифровой худуоһунньук быһыытынан сайдарга, истиили булуу туһунан кэпсээбиттэрэ олус туһалаах этэ. Аан дойду ырыынагар тахсыы туһунан спикердэр кэпсээбиттэрэ саҥа саҕалыыр худуоһунньуктарга салгыы сайдалларыгар олус туһалаах сүбэлэр дии саныыбын.
Дьокуускайга табаһыттар IV сийиэстэрэ буола турар. Бу тэрээһин иитинэн "Северное домашнее оленеводство Республики Саха (Якутия)…
Бу күннэргэ А.Е.Мординов аатынан Таатта лиссиэйигэр Саха судаарыстыбаннай университетын төрүттээччи, тэрийээччи, бастакы ректор Авксентий Егорович…
Улуу кыайыы 80 сылынан, Арассыыйаҕа Аҕа дойдуну көмүскээччи, Саха сиригэр Ийэ дойдуну көмүскээччи сылларынан Уус…
Аҕа дойду уоттаах сэриитигэр Улуу Кыайыы 80 сылынан, Арассыыйаҕа Аҕа дойдуну, Саха сиригэр Ийэ дойдуну…
Саха сирин Москватааҕы "Бэс Чагда" санаторийыгар уоппускаҕа кэлбит байыастар, госпиталларга эмтэнэн баран салгыы реабилитация ааһар…
Бу күннэргэ күн-дьыл хайдаҕый? Күнүс өрөспүүбүлүкэ арҕаа, соҕуруу улуустарыгар сорох сиринэн кыралаан хаардыыр. Алдаҥҥа, Нерюнгригэ,…