Хаартыска: видеоттан скрин
Креативнай индустрия пуорум чэрчитинэн «Дьикти сад» муода көрдөрүүтүгэр бастыҥ маастардар кытыннылар.
Пуорум кыттыылаахтара муода туһунан эрэ буолбакка, истиил туһунан араас толкуйга түстүлэр. Бу туһунан созданонадв.рф саайт суруйар.
«Цветок Ойкумены» куонкурус кыайыылааҕа Аина Спиридонова санаатын кытта үллэһиннэ.
«Мин икки араас уобараһы туруордум. Бастакы — «АРТ Киэргэ» брендтан. Мин үрүҥ көмүс киэргэтиилээх былааччыйаҕа саха сылгытын уобараһын көрдөрдүм. Иккис — Сахалинскай уобалас «Корица» брендин быһыытынан. Мин араас элэмиэннэрдээх пиджак уонна бүрүүкэ кэппитим. Билигин этническэй истииллээх бренди сайыннарар олус суолталаах. Хас биирдии эрэгийиэн ураты көстүүтүн киллэрэр».
«Pro Models» ааҕыныстыба бэрэстэбиитэлэ Светлана Банькова маннык кэпсээтэ:
«Мин модельнай биисинэскэ үс сыл үлэлиибин. Хас биирдии тэрээһин миэхэ саҥа уларыйыы курдук. Долгуйуу ханна да сүппэт. Билигин «Кыталык» кэллиэксийэбин билиһиннэрэбин. Саха колориттаах лаконичнай дизайннаах. Бу кэллиэксийэни сөбүлүүбүн — ураты истииллээх. Саха сирэ ситэ сыаналаммат дии саныыбын. Соторутааҕыта Москваҕа эдэр дизайнердар куонкурустарыгар кыттан бастакы миэстэни ылбыппыт. Уобарастарбытын көрөн олус сөхпүттэрэ. Саха моделлара уонна таҥастара атыттартан уратылаахтарын бэлиэтээбиттэрэ».
Яна Эверстова санаатын кытта үллэһиннэ:
«Мин «АРТ Киэргэ» кэллиэксийэни билиһиннэрэбин. «Дьол тааһа» көстүүмү кэтэ сылдьабын. Өбүгэлэрим күүстэрин ылынабын. Национальнай көстүүмү кэтэн баран, бытаарыахпын баҕарабын. Дьиҥнээх Далбар Хотун курдук сананаҕын».
Ахсынньы 13-15 күннэригэр Москва куоракка «Твой Ход – 2025» Бүтүн Арассыыйатааҕы устудьуоннар пуорумнара ыытылларынан, «Сыл…
Дьокуускайга административнай дьиэҕэ тахсыбыт киһи өлүүлээх баһаар холуобунай дьыалатыгар бириигэбэри таһаардылар. Бу туһунан ахсынньы 16…
Бүгүн, ахсынньы 16 күнүгэр, Дьокуускайга Российскай Федерация бочуоттаах полярнигын Николай Находкин «Санников сиригэр эспэдииссийэ» диэн…
Өрөспүүбүлүкэ агробырамыысыланнай комплексын 2025 сыллааҕы үлэтин түмүктүүр мунньаҕар бастыҥ муниципальнай оройуоннар бэлиэтэннилэр. Бу туһунан СӨ…
Тымныыттан эчэйии үксэ арыгы иһииттэн тахсар диэн Өрөспүүбүлүкэтээҕи 2 №-дээх балыыһатын - Суһал мэдиссиинэ көмөтүн…
Тэрээһиннэргэ байыаннай дьайыы бэтэрээннэрэ уонна кыргыһыы хонуутугар охтубут дьон дьиэ кэргэттэрин чилиэннэрэ, барыта 28 тыһыынчаттан…