Креативнай индустрия пуорумҥа «Граннар мастарыскыайдара» ыытыллыаҕа

«Уһук Илиҥҥэ тэриллибит» креативнай индустрия II норуоттар икки ардыларынааҕы пуорум чэрчитинэн Дьокуускайга Саха сирин биир кэлим ресурснай киинэ тэрийбит «Граннар мастарыскыайдара» ыытыллар.

Сиэссийэҕэ креативнай индустриялар бэрэстэбиитэллэрэ федеральнай граннары ситиһиилээхтик ыларга үнүстүрүмүөннэрин үөрэтиэхтэрэ, уопуттарын кытта үллэстиэхтэрэ. Кыттааччылар дьиҥнээх кейстары ырытан, эспиэрдэртэн тус сүбэлэри ылыахтарын сөп. Маны таһынан биисинэс өттүттэн креативнай бырайыактары өйүүр саҥа дьаһаллар ылыллыахтара.

«Граннар мастарыскыайдара» кыттааччылара дьиҥнээх историялары, бырайыактары хайдах оҥороллорун туһунан билиэхтэрэ,- диэн Саха сирин биир кэлим ресурснай киинин генеральнай дириэктэрэ уонна сиэссийэ модератора Ольга Вешникова кэпсээтэ.

«Граннар мастарыскыайдара» ыам ыйын 29 күнүгэр 14:15-15:30 чааска «Үлэ кыбаартала» креативнай кластерга «Киберарен» саалаҕа ыытыллар. Креативнай индустрия бэрэстэбиитэллэрин көхтөөх кыттыыны ыларгытыгар ыҥыраллар. Сиһилии манна аах.