Хаартыска: Мария Васильева, СИА
Бүгүн, ыам ыйын 31 күнүгэр, Креативнай нэдиэлэ чэрчитинэн «Үлэ кыбаарталыгар» «Айар Дабаан» пленарнай мунньаҕа буолан ааста.
Саха сирэ креативнай экэниэмикэ бастакынан сайдан эрэр эрэгийиэнинэн буолар. Бүгүн култуураҕа тирэҕирэн глобальнай ырыынакка бородууксуйаны оҥорон таһаарыыга араас эйгэҕэ хайысхалары дьүүллэстилэр. Билигин Саха сирин хас биирдии онус олохтооҕо креативнай индустрия эйгэтигэр үлэлиир.
Өрөспүүбүлүкэҕэ бу хайысхаҕа, ИТ-исписэлиистэри, учуонайдары уонна инженер-проектировщиктары киллэрэн туран, 45,8 тыһ. киһи үлэлиир. СӨ «О развитии креативной экономики Республики Саха (Якутия)» Ил Дархан Ыйааҕынан 2030 с. креативнай индустрияҕа 70 тыһ.киһи үлэлиирэ былааннанар.
Манна Корея уопутун холобурун көрүөххэ сөп. Кылгас кэм иһигэр кинилэргэ киинэ индустрията күүскэ сайдан турар. Саха киинэтэ кэнники кэмҥэ Арассыыйа үрдүнэн биллэр-көстөр буолла, онуоха контент нөҥүө өрөспүүбүлүкэ, Уһук Илин уонна Арассыыйа уобараһын хайдах киэҥ араҥаҕа таһаарар туһунан дьүүллэстилэр.
Бүгүҥҥү тэрээһини Саха Өрөспүүбүлүкэтин сайдыытын корпорациятын генеральнай дириктэрэ Афанасий Саввин иилээн-саҕалаан ыытта. Айар-тутар дьоҕурдаах, дьарыктаах дьон иннилэригэр Ил Дархан Айсен Николаев, СӨ Бырабыыталыстыбатын Бэрэссэдээтэлин солбуйааччы Анатолий Семенов креативнай сайдыы тосхоллорун туһунан кэпсээтилэр.
«Биһиги ааспыт биэс сылга улахан суолу тэллибит. Аан бастаан Креативнай индустрия сайдыытын туһунан Ыйаах 2019 с. тахсыаҕыттан, Саха сирин сайдыытын корпорациятын быһаарбыппыт. Биһиги үчүгэй түмүгү ситистибит. Биһиги өрөспүүбүлүкэбитин Москваны уонна Нижнэй Новгороды кытары тэҥҥэ креативнай эрэгийэнинэн ааттыыллар. Ол эрээри, биһиги иннибитигэр өссө улахан соруктар тураллар», — диэтэ Ил Дархан.
Салгыы саха киинэлэрин, ырыаларын, анимацияларын, о.д.а. хайдах киэҥ араҥаҕа таһаарар туһунан кэпсэтии таҕыста. Тэрээһин түмүгүнэн «Якутия» венчурнай хампаанньа уонна «Восход» инвестиционнай пуонда инвестиционнай бииргэ үлэлээһиҥҥэ сөбүлэһии түһэристилэр.
Госдуума элбэх оҕолоох ыалларга юридическай көмө босхо буолуохтааҕын туһунан сокуон бырайыагын бастакы ааҕыыга ылынна. Көмөнү үс…
А.С.Пушкин аатынан Нуучча тылын судаарыстыбаннай института 2024 сыл тылынан "Пушкин" диэн тылы ааттаата. Бу туһунан…
Бүгүн «Дьиэҕэ төннүү» сэминээргэ анал байыаннай дьайыы кыттыылаахтарын уонна кинилэр дьиэ кэргэттэрин чилиэннэрин кытта сөптөөх…
РФ Бэрэсидьиэнэ Владимир Путин норуокка туһаайан этиитигэр бастакытын "Орешник" диэн саҥа комплекс туһунан иһитиннэрдэ. Кини…
2024 сылга "Култуура" национальнай бырайыагынан 5 муниципальнай модельнай бибилэтиэкэлэри киллэрдилэр. Бу иннинэ 35 маннык бибилэтиэкэни…
Cахалыы тыллаах саамай кырдьаҕас "Чолбон" сурунаал сэтинньитээҕи нүөмэригэр кэрэхсээҥ: Саха сирин суруйааччыларын сойууһун 90 сылын…