Бүгүн, ыам ыйын 29 күнүгэр, Саха сирэ уонна АУо «Корпорация развития Дальнего Востока и Арктики» креативнай индустрия сайдыытыгар бииргэ үлэлэһии туһунан сөбүлэҥ түһэристилэр.
Докумуоҥҥа норуоттар икки ардыларынааҕы II креативнай индустрия «Создано на Дальнем Востоке: от творчества к экономике» пуорумҥа Ил Дархан Айсен Николаев уонна Корпорация генеральнай дириэктэрэ Николай Запрягаев илии баттаатылар.
Сөбүлэҥ эрэгийиэн сүрүн креативнай экэниэмикэтин өйүүргэ уонна сайыннарарга ананна. Ол курдук киинэни, ювелирнай дизайны, видео онньуулары сайыннарыыга туһуланыаҕа. Маны сэргэ, «Үлэ кыбартаалын» уонна Уһук Илиҥҥи киинэ павильонун тэрийиигэ, сайыннарыыга туһуланыа.
«Биһиги салгыы үлэлэһэр сүрүн сорукпутунан уонна хайысхабытынан «Үлэ кыбартаалын» кэҥэтии буолар. Бу Уһук Илиҥҥэ Бэрэсидьиэн биир кэлим өйөбүлүнэн тэриллибит бастакы уонна саамай бөдөҥ креативнай кластер буолар. Манна киинэ, анимация, медиа, цифровой контент уонна дизайн сайдар. Маны таһынан Саха сиригэр биир улахан бырайыагынан аан дойду таһымнаах киинэ павильонун тэрийии буолар. Манна бэйэбит олохтоох эрэ киинэлэрбит буолбакка, дойду, аан дойду таһымнаах киинэ бырайыактарын тэрийэр былаһаакка буолуоҕа. Биһиги бииргэ үлэлэһиибит Уһук Илин экэниэмикэтин сайдыытыгар улахан суолталааҕар эрэнэбин», – диэтэ Ил Дархан Айсен Николаев.
Маны сэргэ киинэ салаатын сайдыытыгар дохуоту улаатыннарыы, Саха сиригэр оҥоһуллубут мобильнай, көмпүүтэр оонньууларын кэҥэтии, ону сэргэ ювелирнай бренды аан дойду ырыынагар таһаарыы улахан суолталаах.
Бүгүн, ахсынньы 17 күнүгэр, Дьокуускайга 1–5-с кылаас үөрэнээччилэригэр актированнай күн биллэрилиннэ. Бу туһунан киин куорат…
Ахсынньы 13-15 күннэригэр Москва куоракка «Твой Ход – 2025» Бүтүн Арассыыйатааҕы устудьуоннар пуорумнара ыытылларынан, «Сыл…
Дьокуускайга административнай дьиэҕэ тахсыбыт киһи өлүүлээх баһаар холуобунай дьыалатыгар бириигэбэри таһаардылар. Бу туһунан ахсынньы 16…
Бүгүн, ахсынньы 16 күнүгэр, Дьокуускайга Российскай Федерация бочуоттаах полярнигын Николай Находкин «Санников сиригэр эспэдииссийэ» диэн…
Өрөспүүбүлүкэ агробырамыысыланнай комплексын 2025 сыллааҕы үлэтин түмүктүүр мунньаҕар бастыҥ муниципальнай оройуоннар бэлиэтэннилэр. Бу туһунан СӨ…
Тымныыттан эчэйии үксэ арыгы иһииттэн тахсар диэн Өрөспүүбүлүкэтээҕи 2 №-дээх балыыһатын - Суһал мэдиссиинэ көмөтүн…