Креативнай индустрия тэтимнээхтик сайдар

Ил Дархаҥҥа былырыын РФ Бэрэсидьиэнэ Владимир Путин кэлэ сылдьан креативнай экэниэмикэҕэ туруорбут соруктара хайдах туолан иһэллэрин туһунан ыйытыы киирдэ.

“Саха киинэтэ бу күннэргэ каассаҕа былырыыҥҥы киллэрбит үбүн – 157 мөл. солк. хайыы-үйэ киллэрэн эрэр. Ыам ыйын 1 күнүттэн Запорожскай уобалаһы кытта тэҥҥэ уһулбут киинэбит “Алдан” дойду бары киинэ тыйаатырдарыгар тахсыаҕа.

“Моя профессия – ИТ” бырайыак Бүтүн Арассыыйатааҕы таһымҥа тахсыбыта, бүгүн РФ Бэрэсидьиэнин бырайыага буолла.

Муусука үрдүкү оскуолатын Арассыыйа бүддьүөтүн суотугар киллэрилиннэ, үс сылынан биһиги оҕолорбут сайдалларыгар бэртээхэй кампус баар буолуо.

Ыам ыйын 29-30 күннэригэр Уһук Илиннээҕи креативнай индустрия пуорума буолуо”, — диэтэ Айсен Николаев.