Хаартыска: Сахагов.ру
«Креативная экономика» АНО Арассыыйа креативнай индустрияҕа национальнай бириэмийэтин 5-с сыллаах сезонугар сайаапкалары ылыы саҕаламмытын туһунан иһитиннэрдэ. Бу эйгэҕэ дойду бастыҥ бириэмийэтэ креативнай эйгэ 16 хайысхатын барытын түмэр. Сайаапкалары 2025 сыл сэтинньи 16 күнүгэр диэри ылыахтара.
Бириэмийэ креативнай салааҕа бастыҥ эрэгийиэннэри, куораттары, хампаанньалары быһаарарга, ону тэҥэ, Арассыыйа креативнай экэниэмикэтин сайдыытыгар кылаатын киллэрэр бырайыактаах уонна идиэйэлээх биирдиилээн дьону наҕараадалыыр сыаллаах. Сайаапканы rc-awards.ru официальнай саайтка биэриэххэ сөп. Наҕараада быраабылата уонна сайабылыанньа ирдэбиллэрэ бу саайтка бааллар.
2025 сылга бириэмийэ айар эйгэ сайдыытын сүрүн хайысхаларын көрдөрөр 11 категорияҕа туттарыллыаҕа: «Креативный регион», «Креативное событие», «Креативные инновации», «Культурный код», «Агрокреаномика», «Креативная интеграция», «Креативный тренд», «Импульс воздействия», «Глобальная креаномика», «Компетенции в креаномике» и «Креативный город». Бу киэҥ эйгэ дойду үрдүнэн инновационнай, инфраструктурнай уонна култуурунай бырайыактарга ситиһиилэри кэлимник сыаналыыр кыаҕы биэрэр.
Биэс сыл устата бириэмийэ Арассыыйа креативнай халандаарыгар биир саамай бэлиэ түгэнинэн, талааннаах айааччылары, урбаанньыттары, эрэгийиэннээҕи көҕүлээһиннэри өйүүр суолталаах бырайыагыанан буолла. Дойду краеативнай экэниэмикэтин сайдыытыгар улахан дьайыытын көрдөрөр.
«Биэс сыллааҕыта биһиги бастыҥнары түмэр санааттан саҕалаабыппыт. Билигин биһиги креативнай уопсастыбабыт уонна бириэмийэҕэ талыллыбыт сүүсчэкэ бырайыактарбыт дойду экономикатын уларытар дьиҥнээх күүс буолаллар. Бу үбүлүөйдээх сылга биһиги салаа бэрэстэбиитэллэрин Арассыыйа ситиһиитин бэлиэлэрин быһыытынан көрдөрүөхпүтүн баҕарабыт. Сүрүн сыалбыт — Арассыыйа ааптардарын уонна аныгы бырайыактарын нөҥүө ону арыйыы, сайыннарыы уонна тарҕатыы көрүҥнэрэ. Дойдубут тус бэйэтин, култуурунай кодексын уонна сыаннастарын арыйаллар», — диэн тоһоҕолоон бэлиэтээтэ Креативнай экэниэмикэҕэ автономнай кэмиэрчэскэйэ суох тэрилтэ бэрэсидьиэнэ Марина Монгуш.
Сэтинньи 20 күнүттэн 24 күнүгэр диэри эспиэрдэр сэбиэттэрэ бириэмийэ финалистарын талыаҕа, ол кэнниттэн 30-тан тахса бырабыыталыстыба үлэһиттэриттэн уонна салаа салайааччыларыттан турар Бочуоттаах дьүүллүүр сүбэ лауреаттары талыаҕа. Кыайыылаахтар бэлиэ кубогы тутуохтара.
Наҕараадалааһын сиэрэ-туома 2025 сыл ахсынньы 1 күнүгэр дойду биир саамай биллэр култуура киинигэр » Зарядье» кэнсиэртиир саалатыгар буолуоҕа.
Арассыыйа креативнай индустрияларын национальнай бириэмийэтэ 2021 сыллаахха бэрэсидьиэнин дьаһалтатын өйөбүлүнэн Креативнай экономика автономнай кэмиэрчэскэйэ суох тэрилтэтинэн олохтоммута. Саха сирэ 2024 сылтан креативнай индустрия рейтинигэр 20-с миэстэни ылбыта.
Сиһилии: https://www.sakha.gov.ru/news/14716
Бүгүн Бүлүү улууһугар Лөкөчөөҥҥө Афанасий Кузьмич Харлампьев салайааччылаах “Тускул-Л” бааһынай хаһаайыстыбата саҥа хотоҥҥо киирдэ. Ол…
Саха сиригэр доруобуйа харыстабылын бастакы сүһүөх звенотун саҥардан оҥоруу киэҥ далааһыннаах бырагыраамата салҕанар. Билиҥҥи туругунан,…
Өлүөхүмэ куоратыгар сууккаҕа 2400 кубометр кыамталаах уу ситимин саҥардыы иккис уочарата түмүктэннэ диэн СӨ Олох-дьаһах, хомунаалынай…
"Якутия в деталях" саҥа биэриитигэр СӨ тырааныспарга уонна суол хаһаайыстыбатыгар миниистир Владимир Сивцев муус туруутун…
Бэлитиичэскэй репрессия ыар тыына Кэбээйи оройуонун эмиэ хаарыйбыта, элбэх дьон ыраас ааттарын хараардыбыта, олохторун огдолуппута.…
Арассыыйа быраастара этэллэринэн, тууһаммыт хаппыыста уонна суорат киһи куруук дьиксинэ, дьааххана сылдьар туругуттан тахсарыгар көмөлөһөллөр.…