Креативнай индустриялар пуорумнара буолуоҕа (ВИДЕО)

«Создано на Дальнем Востоке» креативнай индустриялар пуорумнара Дьокуускайга ыам ыйын 29-31 күннэригэр буолуоҕа.

Бу үс күн устатыгар түһүлгэҕэ ураты сүүрээннэр, сонун этиилэр, креативнай идиэйэлэр түмүллүөхтэрэ. Интэриэһинэй дьоннуун билсиһиилэр, таһаарыылаах бииргэ үлэлээһин күүтэр.

Креативнай биисинэс бэрэстэбиитэллэрин, айар үлэлээхтэри, айар идэлээхтэри уо.д.а. бары сэҥээрээччилэри, сэргээччилэри пуорумҥа ыҥыраллар. Пуорумҥа кыттыы босхо. Сэҥээрээччилэр бары кыттыахтарын, тэрээһини көрүөхтэрин сөп.

Манна тирээн турар боппуруостары дьүүллэһиэхтэрэ, үөрүйэхтэрин, билиилэрин-көрүүлэрин атастаһыахтара. Маастар-кылаастар, о.д.а. туһалаах тэрээһиннэр күүтэллэр.

Пуоруму РФ Уһук Илини сайыннарыы министиэристибэтэ, КРДВ СӨ Бырабыыталыстыбатын өйөбүлүнэн тэрийэллэр. Уһук Илин кэскилигэр бэйэҕит кылааккытын киллэрсиҥ!

Сиһилии https://созданонадв.рф/ көрүөххэ сөп.