Хаартыска: "Якутск Вечерний".
От ыйын 8 күнүгэр — Дьиэ кэргэн, таптал уонна бэриниилээх буолуу күнүгэр Дьокуускайга «Кэлээскэлэр парааттара» буолла.
Бу параакка 6 саастарыгар диэри оҕолоох дьиэ кэргэттэр кытыннылар. Оҕолоругар көстүүм кэтэрдэн, кэлээскэлэрин тугу баҕаралларынан, санаалара хоторунан киэргэппиттэр.
Дьиэ кэргэттэр Киров уулуссатынан — цииркэ искибиэриттэн Комсомол болуоссатагыра диэри сэлэлээн хаамтылар.
Сыл аайы ыытыллар буолан, бу куонкуруска төрөппүттэр олус бэркэ бэлэмнэнэллэр, кэлээскэлэри араастаан киэргэтэллэр. Эбээлэр-эһээлэр эмиэ көхтөөх кыттыыны ылаллар. Көрүөххэ олус интэриэһинэй буолар.
Туох-туох суоҕуй, манна? Алааска тыллыбыт сибэккилэр, массыыналар, хараабыллар, остуоруйа кыыллара, киинэлэр дьоруойдара, бэл, киндер-сымыыт… Киһи фантазията муҥура суох.
Кыайыылаахтары маннык номинацияларынан наҕараадалаатылар: «Дьиэ кэргэн аптаах каретата»; «Остуоруйа кэлээскэтэ»; «Чудо-техника»; «Сахалыы (нууччалыы, эбээннии) киэргэтиилээх кэлээскэ»; «Сайыҥҥы фантазия»; «Спортивнай кэлээскэ»; «История: 100-летие ЯАССР»; «Мир фауны (или флоры)»; «Инники олохтон кэлбит кэлээскэ»; «Креативнай кэлээскэ».
Маны тэҥэ, Дьиэ кэргэн күнүгэр Комсомольскай буолуоссакка 25-тэн тахса сыл олорбут ыаллары, саҥа сыбаайбалаабыт эдэрдэри чиэстээтилэр.
Саха Өрөспүүбүлүкэтин Ленскэй улууһун суута олохтоох киһиэхэ буруйдуур бириигэбэри таһаарда. Кини атын баайы-дуолу туттуу иһин…
Дьокуускайга олунньу 14-15 күннэригэр "Тоҥ-Jazz'' Бүтүн Арассыыйатааҕы джазовай муусука бэстибээлэ сэттис төгүлүн ыытыллыаҕа. Бэстибээлгэ Уһук…
Чэпчэтиилээх куортамнааһын мэхэньиисимин сайыннарыы тиэмэтин Нерюнгри оройуонугар буолбут Бырабыыталыстыба отчуотугар көтөхтүлэр. Бырабыыталыстыба бэрэссэдээтэлэ Кирилл Бычков…
Сыл аайы ыытыллар Илиҥҥи экэнэмиичэскэй пуорум 2026 сыл балаҕан ыйын 1-4 күннэригэр Владивостокка ыытыллыаҕа. РФ…
Үөһээ Бүлүү улууһугар ыытылла турар “Барахов ааҕыылара” үс бүк өрөгөйдөөх. Ол курдук, И.Н.Барахов аатынан 1-кы…
Саха Өрөспүүбүлүкэтин Бырабыыталыстыбатын Бэрэссэдээтэлин солбуйааччы Ольга Балабкина олунньу 12 күнүгэр Бэчинчэҕэ судаарыстыбаннай былаас ситэриилээх уорганын…