Хаартыска: Сколково пресс-сулууспата.
Муус устар 12 күнүгэр Дьокуускайга Стартап-туур ыытыллыаҕа, ону кытта айар идэлээхтэр, креативнай уонна технологическай урбаан лиидэрдэрэ мустар кииннэринэн буолуоҕа!
Толору ис хоһоонноох бырагыраама иитинэн эспиэртэр сүрүн CreativeTech-трендтары, кейстары ырытан көрүөхтэрэ, креативнай-технологическай бырайыактары сайыннарыы сүбэлэрин биэриэхтэрэ.
Манна “Бастакы ханаал” тиэхэньиичэскэй эрэдээктэрин, “Фантастика” көмпүүтүрүнэй графика шоу режиссерун уонна продюсерын Андрей Зеленины кытта көрсүөххүт. Сыыппара дьоруойдарын оҥорууну кэпсиэҕэ уонна айар кыаҕы кэҥэтиигэ технология оруолун ырытыаҕа.
Кини салайыытынан Москваҕа “Евровидение-2009” тэрээһини, Ванкуверга былааҕы туттарыы сиэригэр-туомугар видеоны, Сочитааҕы Олимпиада үөрүүлээх аһыллыытын уонна сабыллыытын киэргэтэн, тупсаран оҥоруу, “Зарядье” пааркаҕа “Машина времени” аан дойдуга соҕотох ураты аттракциону тэрийии, Москва өрүс акваторийыгар 2018 сыллааҕы аан дойду чөмпүйэнээтин Qatar Elements устар павильонун киэргэтии, о.д.а. бырайыактар олоххо киирбиттэрэ.
Сенсорнай тупсарыы (дополненная реальность) технологията күннээҕи олохпутугар олус түргэнник киирэрин, сыыппара дьоруойдара тэлэбиидэнньэҕэ, төлөпүөн сыһыарыыларыгар, аныгы көрдөрүүлэргэ эбэтэр үөрэтэр бырайыактарга көхтөөхтүк туһаныллалларын туһунан хас биирдии киһи билэр.
Өскөтүн эн саҥа технологияны хайдах туһанары, технологическай оҥоһуктар үлэ түргэтиирин уонна хаачыстыбатын итиэннэ туох кыаҕы биэрэрин туһунан сэҥээрэр буоллаххына, Startup Tour 2023 CreativeTech кэмпириэнсийэни көтүтүмэ!
Хаһан: муус устар 12 күнүгэр
Ханна: Труд уул. 1а дьиэтигэр “Үлэ кыбартаала” («Квартал Труда»).
Сиһилии манна билис уонна бэлиэтэн: https://startup-tour.ru/registration
Саха сирин сүүмэрдэммит хамаандатын биир бастыҥа күрэсчитэ Евгения Огородникова тустууга Арассыыйа первенствотын күрэхтэһиитигэр боруонса мэтээли…
Бүгүн, атырдьах ыйын 8 күнүттэн, “Саха сирэ – дьоруойдар сирдэрэ” өрөспүүбүлүкэтээҕи байыаннай дьайыы кыттыылаахтарыттан каадыры…
«Анаабыр» эрэгийиэннэҕи массыына суолугар «Бүлүү» федеральнай айан суолуттан Мииринэй куоратыгар диэри 11 килэмиэтиртэн тахса уһуннаах…
Бу сыл алтынньы 1 күнүттэн хамнастара федеральнай бүддьүөттэн үбүлэнэр үлэһиттэргэ хамнас төлөбүрэ индексацияланар - хамнас…
Бэрдьигэстээххэ «Үрдэл» түөлбэ олохтоохторо Кыайыы 80 сылын көрсө түөлбэлэр икки ардыларынааҕы күрэх чэрчитинэн искибиэри киэргэттилэр.…
Плейстоценовай паарка уонна Биологическай ресурсалар уонна ураты харыстанар сирдэр дириэксийэлэрин испиэлиистэрин эспэдииссийэтэ Анаабыр улууһун Улахан…