Саха сирин хамаандата ох саанан ытыыга кыайыыны ситистэ

Тохсунньу 25 күнүгэр Орел куоракка ох саанан ытыыга Арассыыйатааҕы первенство күрэҕэ түмүктэннэ. Саха сирин күрэсчитэ Кристина Дрозд 21 сааһыгар диэри кыргыттар ортолоругар классическай ох саанан тус киирсиигэ кыһыл көмүс мэтээли ылары ситистэ.

Күрэхтэһиигэ Саха сирин хас да күрэсчитэ үрүҥ көмүс мэтээллэри ыллылар. 18 саастарыгар диэри уолаттар ортолоругар классическай ох саанан ытыыга Владимир Ким иккис миэстэлэннэ.

Санаттахха, Кристина Дрозд уонна Владимир Ким урут «Азия оҕолоро» оонньууларга хамаанданан киирсиигэ бииргэ кыайбыттара. Ону таһынан, Виктория Зыкова – 18 сааһыгар диэри кыргыттарга классическай оҕунан, оттон Егор Михайлов 18 сааһыгар диэри уолаттарга блочнай оҕунан үрүҥ көмүс мэтээллэри ылбыттара.

Блочнай ох саанан хамаанданан киирсиигэ 18 саастарыгар диэри Саха сирин сүүмэрдэммит хамаандата күрэх вице-чөмпүйүөнүнэн буолла. Хамаанда састаабыгар: Илья Алексеев (Олимпийскай эрэли бэлэмниир оскуола, Алдан), Дмитрий Константинов (4 №-дээх Оҕо спортивнай оскуолата, Дьокуускай) уонна Владимир Рожин (Мэҥэ-Хаҥалас улууһа). Боруонса мэтээллэри тус бастыыр иһин киирсиигэ Мария Тараярова, ону тэҥэ юниоркалар ортолоругар Саха сирин сүүмэрдэммит хамаандата (састаабыгар Мария Тараярова, Кристина Дрозд уонна Алиса Кириллина) ыллылар.

Ону таһынан күрэсчттэр ситиһиилээхтик кыттан, Арассыыйа успуордун Маастарын нуорматын толордулар.

• Кристина Дрозд — кыһыл көмүс (юниоркалар, классическай оҕунан ытыы)
• Владимир Ким — үрүҥ көмүс (уолаттар, классическай оҕунан ытыы)
• Виктория Зыкова — үрүҥ көмүс (кыргыттар, классическай оҕунан ытыы)
•  Уолаттар хамаандалара (блочнай  оҕунан ытыы) — Дмитрий Константинов, Илья Алексеев, Владимир Рожин
• Мария Тараярова — боруонса (юниоркалар, классическай оҕунан ытыы)
• Юниоркалар хамаандалара (классическай оҕунан ытыы) — Кристина Дрозд, Мария Тараярова, Алиса Кириллина
• Арассыыйа успуордун маастарын нуорматын толордулар— Дмитрий Константинов (уолаттар, блочнай оҕунан ытыы) — Наталья Трофимова (юниоркалар, 17–25 саастаахтар, классическай оҕунан ытыы).