Кристина уонна Алеша саҥа төрөппүттэрин көрдүүллэр

«Сахамедиа» уонна Үлэ, социальнай сайдыы министиэристибэтэ тулаайах, көрүүтэ-истиитэ суох хаалбыт оҕолор саҥа төрөппүттэрин, иитэ ылар дьиэ кэргэни булалларыгар туһуламмыт кыттыгас бырайыагы саҕалаатылар.

Биэс саастаах Кристина уонна кини сурдьа түөртээх Алеша кимнээххэ эрэ ийэ-аҕа буолар дьолу бэлэхтиэхтэрэ. Кинилэр олус чугастыы сыһыаннаахтар, куруук бииргэ сылдьаллар, оонньууллар. Эдьиий киһи быһыытынан, Кристина сурдьун кыһаллан көрөр-харайар, барытыгар көмөлөһөр.

Кристина холку-наҕыл майгылаах, эйэҕэс, аламаҕай кыысчаан. Оҕо саадыгар сылдьар, доҕотторун ортотугар күлэн-үөрэн, кэпсээн-ипсээн чаҕаарар. Холкутук олорон уруһуйдуурун, пазл хомуйарын, остуол оонньууларынан, куукуланан оонньуурун сөбүлүүр.

Алеша уол-уол курдук, сүүрэрин-көтөрүн, хамсаныылаах оонньуулары сөбүлүүр. Дьону кытта иҥнигэһэ суох кэпсэтэр, үгүстүк мичээрдиир.

Бу кырачааннар дьиэ кэргэн сылаас эйгэтин, ийэ-аҕа истиҥ тапталын билиэхтэрин олус баҕараллар.

Сиһилии Тулаайах уонна төрөппүт көрүүтэ-истиитэ суох хаалбыт оҕолор дааннайдарын баанын эрэгийиэннээҕи операторын: (4112) 34-00-54 нүөмэригэр эрийэн, билсиэххэ сөп.