Кроссовканы уорбут

Дьокуускайга 2 №-дээх полиция отделын дьуһуурунай чааһыгар куорат олохтооҕо успуорт комплексыттан кроссовкатын уорбуттарын туһунан сайабылыанньа суруйан киллэрбит.

Материальнай хоромньу 4 000 солк. тэҥнэспит. Холуобунай ирдэбил үлэһиттэрин суһал-ирдиир үлэлэринэн, уорбаланааччы биллибит. Бу Ньурба улууһуттан төрүттээх 66 саастаах киһи буолан биэрбит.

Быһаарыллыбытынан, эмсэҕэлээччи кроссовкатын таҥнар сиргэ хаалларбыт. Ол кэмҥэ бу киһи ону бэлиэтии көрбүт, ким да кэтээбэтин билэн баран, кроссовканы ылбыт уонна сүүрэ барбыт. Уорбаланааччы билиммитинэн, кини кроссовката эргэрбитин иһин туора киһи кроссовкатын ылбыт.

Уоруллубут ылыллыбыт. РФ Холуобунай кодексатын 158 ыст. 1 ч. холуобунай дьыала («Кража») тэриллибит.

СӨ ИДьМ пресс-сулууспата

Видео СӨ ИДьМ саайтыттан