Алтынньыга Крым муостатыгар таһаҕаһы таһар улахан массыына эстэн, билигин муоста аҥаар эрэ өттө үлэлии турар. Вице-премьер Марат Хуснуллин иһитиннэрбитинэн, муоста иккис балаһата ахсынньы 5 күнүгэр аһыллыаҕа.
Санатан эттэххэ, алтынньы 8 күнүгэр манна тоҕо тэптэрии баран, муоста уҥа өттө ордук улаханнык эмсэҕэлээбитэ. РФ бырабыыталыстыбатын бэрэссэдээтэлин солбуйааччы Марат Хуснуллин бэҕэһээ РФ бэрэсидьиэнигэр мунньахха иһитиннэрбитинэн, Крым муостатын чөлүгэр түһэрии күнүстэри-түүннэри бара турар. Билиҥҥи дааннайынан, муостанан массыыналар, оптуобустар тохтоло суох сылдьалларын хааччыйбыттар, ол иһигэр наада буоллаҕына таһаҕаһы таһар улахан массыыналарга эмиэ суол аһыллыбыт.
— Муостаны чөлүгэр түһэриигэ бырабыыталыстыбаттан сөптөөх үбүлээһин көрүллэн турар, судаарыстыбаннай хантараак түһэрсиллибитэ. Муоста хаҥас өттүнэн билигин айан-сырыы сөргүтүллүбүтэ, түөрт өттүнэн кыра алдьаныылаах эрээри, ол куттала суох. Эбийиэккэ бэйэтигэр күүстээх хонтуруол олохтоммута. Оттон уҥа, күүскэ алдьаммыт өттүн, туһунан эттэххэ, билигин үлэ күнүстэри-түүннэри бара турар, ахсынньы 5 күнүгэр диэри муоста биир балаһата, иккиһэ – ахсынньы 20 күнүгэр аһыллыаҕа. Салгыы муоста хаҥас өттүгэр өрөмүөн үлэтэ салҕаныаҕа. Кулун тутар 30 күнүгэр диэри үлэ барыта туттарыллыаҕа. Тимир суол билигин эмиэ биир өттө үлэлиир, локомотивтар тохтоло суох дьону, таһаҕаһы таһаллар. Тимир суол толору эһиил балаҕан ыйыттан үлэлиэҕэ, — диэн иһитиннэрэр кини.
Билигин Крым тумул арыыга улахан таһаҕастары таһыыга Керчь силбэһиитинэн биэс массыына уонна икки тимир суол парома сылдьар. Ону сэргэ дьону таһыыга эмиэ теплоходтар үлэлииллэр.
РФ бэрэсидьиэнэ Владимир Путин бэҕэһээ дойду экэниэмикэтигэр инвестицияны киллэриигэ бырабыыталыстыба чилиэннэрин кытары мунньах ыытта. Мунньахха инвестиционнай бырайыактары таһынан Крым муостатын чөлүгэр түһэрии, улахан эбийиэктэри кыраҕатык хонтуруоллааһын, кыстыкка киирии, о.д.а. боппуруостары ырыттылар.
Үөрэх эйгэтигэр анал байыаннай эпэрээссийэ кыттыылаахтарын оҕолорун өйөбүл өрөспүүбүлүкэҕэ сүрүн соругунан буолар. Бүгүҥҥү күҥҥэ байыаннай…
Дьокуускай куорат баһылыга Евгений Григорьев суруналыыстары кытары көрсүһүүтүгэр киин куорат тырааныспарын инфраструктуратын тупсарыыга былааннарын туһунан…
Бу күннэргэ СӨ тыа хаһаайыстыбатын министиэристибэтэ халаантан эмсэҕэлээбит Өймөкөөн улууһун нэһилиэктэригэр паромунан сырыы түмүктэниэр диэри…
Бүгүн Саха сиринээҕи Киин быыбардыыр хамыыһыйа бэрэссэдээтэлэ Евгений Федоров бэҕэһээ, балаҕан ыйын 14 күнүгэр, Быыбар…
Балаҕан ыйын 13 күнүгэр, Чурапчы Күнүн чэрчитинэн, ырыаҕа ылламмыт, хоһооҥҥо холбоммут Тоҕус томтордоох Чурапчыга, Егор…
Ааспыт өрөбүллэргэ Дьокуускайга 22 суол саахала буолбута бэлиэтэммит, онно үс киһи эмсэҕэлээбит. Бу туһунан киин…