Крым бэрэсидьиэнин пресс-сулууспата
От ыйын 17 күн түүнүгэр Крым муостатыгар буолбут дэлби тэптэриигэ икки киһи суорума суолламмыт, биир оҕо эчэйбит.
Терроризмы утары охсуһар национальнай кэмитиэт иһитиннэрбитинэн, бу дэлби тэптэрии Украина уу үрдүнэн көтөр аппарааттарынан оҥоһуллубут. “Түүн үһү ааһыыта Украина уу үрдүнэн көтөр икки аппараата Крым муостатыгар дэлби тэптэриини оҥорбута билиннэ”, — диэн иһитиннэрэр кэмитиэт. Билигин холуобунай дьыала тэриллэн, миэстэтигэр туһааннаах уорганнар үлэни ыыта сылдьаллар.
Билигин муостанан массыыналар сырыылара тохтоон турар. Тимир суола сарсыарда 9 чааска аһыллыбыт, дьону таһыы тимир суолунан бара турар. Массыыналар Керчь куоратынан паромунан эбэтэр саҥа эрэгийиэннэринэн эргийэ барыахтарын сөп. Крым тырааныспарка министиэристибэтэ иһитиннэрбитинэн, билиҥҥи туругунан, паромнар таһаҕастаах массыыналары таһа сылдьаллар. Феодосия уонна Керчь куораттарга кылгас кэмнээх 34 пуун аһыллыбыт, манна айанньыттар парому кэтэһэр кэмнэригэр киирэн олоруохтарын сөп.
Былырыын алтынньыга Крым муостатыгар эмиэ дэлби тэптэрии оҥоһуллубута. Муостаны бүүс-бүтүннүү ыам ыйыгар өрөмүөннээн бүтэрбиттэрэ.
Бүгүн Дьокуускайга «Патриот» ыччат киинин үөрүүлээх аһыллыыта буолан ааста. Бу аныгы кэм ыччатын сайдар, үүнэр,…
Бүгүн Саха сиригэр бастакы Уһук Илиҥҥэ биир бөдөҥ элбэх функциялаах «Патриот» ыччат киинэ үөрүүлээх быһыыга-майгыга…
Бүгүн Саха сиригэр бастакы элбэх функциялаах «Патриот» ыччат киинэ аһылынна. Бу киин Уһук Илиҥҥэ биир…
СӨ Бырабыыталыстыбатын Бэрэссэдээтэлин бастакы солбуйааччы Дмитрий Садовников ыксаллаах быһыыга-майыга түбэспит дьону көрдүүр-быыһыыр үлэлэр статистикаларын туһунан…
Норуодунай фронт эрэгийиэннээҕи салаатын үлэһитэ Дмитрий Паньков этэринэн, Арассыыйа Бэрэсидьиэнэ ыыппыт быһа кэпсэтиитигэр Саха сириттэн…
Өрөспүүбүлүкэ муниципальнай тэриллиилэрин бэрэстэбиитэллээх уорганнарын дьокутааттарын III Сийиэһэ ахсынньы 17 күнүгэр саҕаланар. III Сийиэс бырагыраамата…