«Ялта-Якутск» диэн Крым өрөспүүбүлүкэтин олохтоохторугар анаан эрэгийиэннэр икки ардыларынааҕы бырайыак чэрчитинэн Саха сирин олохтоох норуоттарын үгэстэрин билиһиннэрэллэр.
Суорун Омоллоон аатынан Судаарыстыбаннай опера уонна балет тыйаатырын дириэктэрэ Владислав Левочкин, СӨ норуодунай артыыһа Александр Емельянов, Саха сирин норуоттарын муусукатын уонна фольклорун мусуойун дириэктэрэ Мария Корнилова састааптаах дэлэгээссийэ Ялта, Алушта, Севастополь, Симферополь куораттарыгар тиийэн бибилэтиэкэлэргэ, оскуолаларга, киинэ тыйаатырдарыгар көрсүһүүлэри тэрийдилэр.
Владислав Левочкин «Традиционная культура якутов и ее отражение в искусстве и креативных индустриях» диэн лиэксийэни Севастополь Судаарыстыбаннай университетын устудьуоннарыгар ыытта. Оттон Мария Корнилова Саха норуотун култууратын А.П.Чехов аатынан гимназия, художественнай оскуола үөрэнээччилэригэр уонна Гуманитарнай Педагогическай Академия устудьуоннарыгар сырдатта. Киинэ тыйаатырдарыгар «Ньургун Боотур» уопара-олоҥхо киинэтин биэрсийэтин көрдөрдүлэр.
«Ялта-Якутск» бырайыак култуурунай көҕүлээһин диэн Бэрэсидьиэн пуондатын өйөбүлүнэн олоххо киирдэ. бырайыагы көҕүлээччинэн Ялтаттан уонна Санкт-Петербург куораттан режиссердар, продюсердар Наталья Лебедева уонна Мила Кудряшева, Саха сириттэн САха сирин норуоттарын муусукатын уонна фольклорун мусуойун дириэктэрэ Мария Корнилова буолаллар.
Сэтинньи 2 күнүгэр СӨ Оһуокай түмсүүтүн ыҥырыытынан ытык дьоммут, Арассыыйаҕа туризмы тэрийиигэ хонноохтоохтук ылсан үлэлии…
Таатта улууһун Харбалаах сэлиэнньэтин олохтоох бибилэтиэкэтин дьиэтигэр аҕам саастаах дьон - урукку хомсомуоллар Харбалаахтааҕы үөрэхтээһин…
Сунтаар улууһун дьаһалтатын, тыа хаһаайыстыбатын, үөрэҕирии, култуура о.д.а. управлениелар үлэһиттэрэ салайааччы Анатолий Григорьев тула түмсэн,…
Алексей Кулаковскай-Өксөкүлээх Өлөксөй саха сайдыытын түстээбит “Саха интеллигенциятыгар суруга” бүгүҥҥү күҥҥэ диэри ким өҥөтүнэн тиийэн…
Бүгүн, сэтинньи 2 күнүгэр, 12 чаас саҕана Госавтоиниспиэксийэ дьуһуурунай чааһыгар Дьокуускай куоракка суол быһылаана тахсыбытын…
Аныгы оҕолор төлөпүөнтэн ордубаттар. Оттон манна кэлэн оҕолор бэйэлэрэ толкуйдаан араас остуол оонньууларын айан таһаараллар.…