Хаартыска А.Е.Кулаковскай аатынан норуоттар доҕордоһууларын дьиэтин пресс-сулууспатыттан
Дьокуускайга А.Е.Кулаковскай аатынан норуоттар доҕордоһууларын дьиэтигэр бэҕэһээ, кулун тутар 17 күнүгэр, Крым уонна Севастополь Арассыыйа састаабыгар киирбит күннэрин бэлиэтиир «Крымская весна. Мы вместе» диэн тэрээһин ыытылынна.
Бу туһунан А.Е.Кулаковскай-Өксөкүлээх Өлөксөй аатынан норуоттар доҕордоһууларын дьиэтин пресс-сулууспатыттан иһитиннэрдилэр. Тэрээһин бары түмсүүлээхпитин, бэйэ-бэйэбитин хардарыта өйөһөрбүтүн, хардарыта өйдөһүү уонна үтүө санаа сүдү күүс буоларын көрдөрөр сыаллаах-соруктаах ыытылынна диэн иһитиннэриигэ этиллэр.
Түһүлгэҕэ мустубут тэрээһин кыттыылаахтарыгар СӨ Тас сибээскэ уонна норуоттар дьыалаларыгар миниистири бастакы солбуйааччы Диана Степанова, СӨ нуучча общинатын бэрэссэдээтэлэ, «СӨ норуоттарын Ассамблеята» уопсастыбаннай хамсааһын бэрэссэдээтэлэ Александр Подголов, «Боотур» добровольческай этэрээт хамандыыра, А.Е.Кулаковскай аатынан норуоттар доҕордоһууларын дьиэтин генеральнай дириэктэрин бастакы солбуйааччы Александр Колесов эҕэрдэ тылларын тиэрдибиттэр.
Салгыы бииртэн-биир сонун, бэртээхэй нүөмэрдэрдээх кэнсиэр болҕомтону тардыбыт. Манна Дьокуускайдааҕы кадеттар оскуола-интэринээттэриттэн барабааҥҥа оонньооччулар, филармония артыыһа Василий Пинигин, «Служба 02» диэн СӨ ИДьМ ырыаҕа ансаамбыла, «Сюрприз», «Тетрис», «Күн мичээр» үҥкүү ансаамбыллара, уо.д.а. кыттыбыттар. Хас биирдии нүөмэри көрөөчүлэр дохсун ытыс тыаһынан арыаллаабыттар.
Хаартыска А.Е.Кулаковскай аатынан норуоттар доҕордоһууларын дьиэтин пресс-сулууспатыттан.
Кулун тутар 27 күнүттэн киэҥ экрааҥҥа "Спид Стар" диэн спортивнай байопик тахсыаҕа. Бүгүн "Лена" киинэ…
СМИ-гэ улахан резонанс таһаарбыт Яна өрүскэ ньиэп тохтубутун туһунан иһитиннэрии "Саханефтегазсбыт" АХ сыһыана суох диэн…
Таатта улууһун үөрэҕин тэрилтэлэрин икки ардыларыгар ыытыллар “Оҕо Сатабыла” күрэхтэһии быйылгы тэрээһинэ Арассыыйаҕа Аҕа дойдуну…
Арассыыйаҕа архыып күнүнэн Саха сиригэр култуура эйгэтигэр Мэҥэ өйдөбүл сыла арылынна. Идэлээх күнүнэн ситимнээн, Дьокуускай…
Кулун тутар 16 күнүгэр Орто Амма нэһилиэгэ Кыайыы 80 сыллаах үбүлүөйүн, "Манчаары оонньууларын" көрсө "Түмсүү-төлкө…
Кулун тутар 15 күнүгэр Амма улууһун Чакыр нэһилиэгэр педагогическай үлэ бэтэрээнэ Матвей Тихонович Матвеев аатын…