КСВО уонна Киһи быраабыгар боломуочунай байыастар дьиэ кэргэттэрин кытта көрүстүлэр

Саха сиринээҕи Аҕа дойду буойуннарын дьиэ кэргэттэрин кэмитиэтэ (КСВО) уонна өрөспүүбүлүкэтээҕи Киһи быраабыгар боломуочунай Сардана Гурьева Дьокуускайга байыаннай дьайыы кыттыылаахтарын дьиэ кэргэттэрин кытта көрсүһүүнү ыыттылар. Бу туһунан sakha.gov.ru иһитиннэрэр.

Саха сиринээҕи КСВО бэрэссэдээтэлин солбуйааччыта Саргылаана Неустроева нэдиэлэтээҕи брифиҥҥэ бэлиэтээбитинэн, олус суолталаах уонна ис хоһоонноох көрсүһүү буолла.

«Икки чаас устата аһаҕас уонна истиҥ кэпсэтии барда. Буойуннар аймахтара  хас да сытыы боппуруостарын туруорустулар. Сураҕа суох сүппүт байыаннайдары көрдөөһүн, ипотека кирэдьиитин сабар бырагыраамалары олоххо киллэрии, иитээччитин сүтэрбиттэр биэнсийэни оҥорторуу тиэмэлэрэ таарылыннылар. Ону таһынан дьиэ кэргэттэри байыаннай сулууспаттан босхолонуу уонна алимент төлөбүрүн боппуруостара долгуттулар», – диэн спикер кэпсээтэ.

Көрсүһүү түмүгүнэн, маннык тэрээһиннэри мэлдьи ыытарга быһаарылынна. «Систиэмэлээх үлэ уонна кэпсэтиилэри ыытыы – элбэх уустук быһыыны-майгыны быһаарар күлүүһүнэн буолар», – диэн Саха сиринээҕи КСВО бэрэссэдээтэлин солбуйааччыта Саргылаана Неустроева  бэлиэтээтэ.