Куһаҕан тыын киирэн мэһэйдэспэтин диэн

Саха ыалын сиэрэ-туома. Оҕолоноору сылдьар дьахтар тугу билиэхтээҕий, тутуһуохтааҕый? Бу туһунан истибиккит, билэҕит дуо?

Төрүүр дьахтар, куһаҕан тыын киирэн мэһэйдэспэтин диэн, хас да харысхал туомнардаах:

-ыарахан буолан баран дьахтар иһин оһоххо көрдөрбөт;

-булт тэриллэрин тыытыа да, атыллыа да суохтаах;

-сылгы хараҕын сыатын, муннун уонна сүөһү хаанын баайыытын сиэбэт, тоҕо диэтэххэ, ону сиэтэҕинэ, оҕотун хараҕа тардыалыы сылдьар буолар уонна оһоҕоһо бааллар диэн итэҕэйэллэрэ;

-буспут куурусса, кус сымыытын уоһаҕын сиэбэт. Сиэтэҕинэ оҕотун тыла мөлтөх буолар;

-бэйэтин баттаҕын уонна атын киһи баттаҕын кырыйбат;

-дьону сиилиир, кырыыр тыллары туттубат. Дьоҥҥо куһаҕаны оҥорбот, хаһыытаабат-ыһыытаабат, мээнэ этэн көрө-көрө күлбэт-салбат;

-киһи көмүүтүгэр сылдьыа суохтаах. Өлбүт акиһини илдьибит суолларынан хаамыа суохтаах.

А.С.Федоров «Саха ыалын сиэрэ-туома» кинигэтиттэн ылылынна.

(«Айар», 2023 с.)