Хаартыска - СИА
Бэс ыйын 24-26 күннэригэр Өймөкөөн, Үөһээ Халыма, Уус Маайа улуустарыгар 4-с кылаастаах ойуур баһаара бэлиэтэнэрэ күүтүллэр.
V кылаастаах ойуур баһаара Дьааҥы оройуонугар туруох курдук. Бу туһунан бүгүн баһаары бохсууга үлэлэһэр суһал ыстаап мунньаҕар СӨ Бырабыыталыстыбатын бэрэссэдээтэлин солбуйааччы Дмитрий Садовников иһитиннэрдэ.
— Бүгүҥҥү күҥҥэ үс ойуур баһаара Өймөкөөн, Муома уонна Үөһээ Халыма улуустарыгар баара биллэр. Баһаар сезона саҕаламмытын кэниттэн 41 баһаар бэлиэтэннэ. Былырыын баччаларга 130 этэ. Ойуур баһаарын ахсаана бэс ыйын 20-с чыыһылатыттан эбилиннэ. Кылаабынайа, улуустар дьаһалталара ойуур баһаарын кэмигэр була охсон, кыра эрдэҕинэ бохсор үлэни ыытар соругу туруоран үлэлииллэр, — диэн СӨ Бырабыыталыстыбатын бэрэссэдээтэлин бастакы солбуйааччы Дмитрий Садовников бэлиэтээтэ.
Бэс ыйын 24-29 күннэригэр Өймөкөөн, Томпо, Муома, Дьааҥы, Кэбээйи, Үөһээ Халыма, улуустарыгар 30-35 кыраадыс куйаас күннэр туруохтара. Саха сирин гидрометеорологическай сулууспата иһитиннэрбитинэн, аһары сылаас күн-дьыл туран, өрөспүүбүлүкэ хотугулуу-илин уонна арҕаа улуустарыгар ойуур баһаардарын ахсаана элбиир чинчилээх.
Кэбээйи улууһун суутун уурааҕынан оройуон биир нэһилиэгин олохтоохторо РФ Холуобунай кодексатын 166 ыстатыйатын 2 чааһын…
Бүгүн СӨ Киин быыбардыыр хамыыһыйатын бэрэссэдээтэлэ Евгений Федоров М.К. Аммосов аатынан ХИФУ үөрэтэр научнай киинин…
Билигин үгүс киһи чугас дьоммутугар Саҥа дьылга тугу бэлэхтиибит диэн толкуйдаах сылдьар буолуохтаах. Саҥа дьылга…
СӨ Үп министиэристибэтин кэлэктиибэ байыаннай дьайыы бэтэрээнин, «Саха сирэ – Дьоруойдар дойдулара» бырагыраама кыттыылааҕын, билигин…
"Саҕынньахтаах селедка" салааты Саҥа дьылга сөбүлээн оҥоробут. Ол эрээри, бу салааты атыннык эмиэ оҥоруохха сөп…
Ырыаһыт Виталий Очиров хатыыс хабаҕынан туһаныы туһунан видеота социальнай ситимнэринэн тарҕанна.