Хаартыска: Повар.ру
Өҥүрүк куйааска сөрүүкэтэр утаҕы хайдах оҥостуохха сөбүй? Маҕаһыынтан атыылаһа сатаабакка, бэйэҥ дьиэҕэр оҥостуоххун сөп.
4 устуука апельсины кичэйэн сууйан баран, оргуйбутунан итии уунан ыстараҕын (оччоҕо аһыыта сүтэр, хаҕын буоската ууллар). Ыраас сотторунан кууруор диэри сотон баран, морозильникка уган тоҥороҕун.
Тоҥ апельсиннары кыра гына хахтары кырбастаан баран, мясорубкаҕа, эбэтэр, блендергэ эрийтэрэҕин. Бу маассаҕа 6 лиитэрэ сөрүүн ууну кутан баран, уонча мүнүүтэ туруораҕын.
Сиитэ, эбэтэр, маарыла нөҥүө сиидэлээн кэбиһэҕин. Бу сүмэһиҥҥэ өссө 6 лиитэрэ ууну кутаҕын, 0,5 киилэ саахар кутаҕын (амсайан баран, эбэн биэриэххин сөп). 1 ост.нь. лимон кислотатын, мээтэ сэбирдэхтэрин эбэн биэриэххин сөп. Бу утах чаас курдук тура түһүөхтээх.
4 апельсинтан 9 лиитэрэ утах бэлэм!
Олус судургутук оҥоһуллар, өбүгэлэрбит куйааска иһэр утахтарын — ымдааны оҥостон иһиҥ.
Киилэ аҥаара суораты (кэпиири) 1,5 лиитэрэ ууга кутан, күүгэннириэр диэри ытыйаҕын. Саахардаабакка, бэйэтинэн иһэҕин. Сибиэһэй сүөгэйи эбэн, минньитиэххэ сөп. Үөрэ отун итии ууга сытыара түһэн, сымнатан баран, эбэн биэриэххэ сөп, оччоҕо өссө туһалаах буолар.
Ымдаан олус тотоойу уонна утаҕы ханнарар.
Cаҥа дьылга хас биирдии дьиэ кэргэн үгэс быһыытынан баай, дэлэгэй астаах-үөллээх остуолун тула олорон, ааһан…
«РИК» бөлөх хампаанньалар көмүс уонна хорҕолдьун хостооһунугар, суол уонна хапытаалынай тутууга үтүө көрдөрүүлэри ситистилэр. 2025…
2025 сыл ахсынньы 15 күнүгэр Дьокуускай 202-с микро-оройуонугар куорат уонна чугастааҕы ыччат көрсүһэр, кэпсэтэр сирэ…
Арассыыйаҕа кэлэр сылга хомунаалынай өҥөлөр иһин төлөбүр тохсунньу 1 уонна алтынньы 1 күннэригэр үрдүөҕэ. Бу…
Азсынньы 19 күнүгэр Владимир Путин 4 чаас 27 мүнүүтэ устата ыыппыт быһа эпииригэр уонна пресс-кэмпириэнсийэтигэр…
Саха Өрөспүүбүлүкэтин суут бириистэптэрин сулууспатын управлениетыгар икки сааһын ситэ илик оҕотун иитиитигэр алименнары төлөөбөтөх дьахтар…