Куйаастан хайдах көмүскэниэххэ?

Share

Сырылатар-сырбатар уот куйаастар, дьэ, түстүлэр. Кэккэ улуустарга 35 кыраадыска тиийэ итийэрэ күүтүллэр. Итии-куйаас күннэр нэдиэлэни быһа тураллара билгэлэннэ. Өҥүрүк куйаас кэмигэр киһи хайдах сөрүүкүөн сөбүй?

Хас да күнү быһа түһэр өҥүрүк куйаас киһи доруобуйатыгар, ордук итиини тулуйа үөрэммэтэх хоту дойду дьонугар, соччото суохтук дьайар. Сааһырбыт дьон хааннарын баттааһына үрдүөн, төбөлөрө ыалдьыан, сүрэх-тымыр ыарыылара бэргиэн, уопсай туруктара мөлтүөн сөп. Дьиэҕэ кондиционер суох буоллаҕына, киһи сырата-сылбата эстэр.

Тириини күнтэн харыстыыр кириэминэн соттор, бэргэһэ кэтэр, элбэх ууну иһэр, ноҕуруусканы аҕыйатар, сыралҕаҥҥа буолбакка, күлүктээх сиргэ сылдьар туһунан үгүс киһи билэр буолуохтаах. Өссө биир сөрүүкүүр ньыманы тускутугар туһаныҥ.

Дьоппуоннар итии кэмҥэ чараас былааты инчэтэн баран, моонньуларыгар бааналлар. Бу киһини олус сөрүүкэтэр. Тоҕо диэтэр, киһи суон тымыра (артерия) моонньуга чугас сылдьар буолан, түргэнник сөрүүкүүгүн, олус итииргээбэккин. Былаат куурдаҕына, инчэтэн биэрэн иһэҕин. Боруобалаан көрөөрүҥ эрэ? Хондуруостаах, ангиналаах, сүнньүлэрэ ыалдьар дьоҥҥо бу ньыма табыгаһа суох.

Аны туран, таһырдьаттан олус итииргээн, хааман кэлэн баран, тута тымныы ууну, утаҕы иһиллибэт. Оннооҕор сылгыны сойутан баран, уулатыллар диэни сылгыһыттар бары  билэллэр. Уурастыыр, ол эбэтэр, көлөһүнүн туппат буолан хаалар дииллэр. Онон сойо түһүөххэ наада. Киһи нооро итии кэмҥэ тымныы утаҕы иһэри букатын сөбүлээбэт. Киһи куйааска көстөөх сиртэн хааман кэлэн баран, тута тымныы кымыһы иһэн, нооро хайдан өлбүт хомолтолоох түгэнэ баар. Онон муустаах утахтан сэрэхтээх буолуҥ. Сойо иликкэ тымныы ууга киирэр эмиэ кутталлаах.

Recent Posts

  • Сонуннар

«Иэскитин төлөөҥ»

Итинник эттэ өрөспүүбүлүкэ дьиэ-уот хомунаалынай хаһаайыстыбатын уонна энергетикаҕа миниистирэ Вячеслав Емельянов муниципальнай тэриллиилэр бэрэстэбиитэллээх уорганнарын…

6 минут ago
  • Сонуннар
  • Уопсастыба

Владимир Путиҥҥа 1,6 мөлүйүөн ыйытыы киирбит

«Владимир Путины кытта сылы ырытыы» биэриигэ,  ахсынньы 16 күнүнээҕи туругунан, 1,6 мөлүйүөнтэн тахса ыйытыы киирбит. …

13 минут ago
  • Сонуннар

Муниципальнай тэриллиилэр учуот бэлиитикэтин ситэтэ суох ыыталлара этилиннэ

Муниципальнай тэриллиилэр бэрэстэбиитэллээх уорганнарын дьокутааттарын сийиэһин чэрчитинэн тыа хаһаайыстыбатын, Арктика түөлбэтин, экологияны, хомунаалынай хаһаайыстыбаны судаарыстыбаннай…

19 минут ago
  • Култуура
  • Сонуннар

«Айар» кинигэ кыһатын ураты бэлэҕэ

Төрөөбүт тылынан Арассыыйаҕа бастакы эрэгийиэннээҕи мобильнай сыһыарыы үлэҕэ киирдэ. "Айар" кинигэ кыһата эһиэхэ, ааҕааччыларыгар, үөрүлээх…

27 минут ago
  • Сонуннар
  • Спорт
  • Уопсастыба

Саха сирин тустууктара Миндиашвили турнирыгар кыттыахтара

Өрөспүүбүлүкэтээҕи сүүмэрдэммит хамаандалары успуорка бэлэмнээһин киинэ иһитиннэрбитинэн, Саха сирин тустууга сүүмэрдэммит хамаандата Красноярскай куоракка  Миндиашвили …

36 минут ago
  • Быһылаан
  • Сонуннар

Түннүгүнэн киирэн малы уорбут

ИДьМ Дьокуускайдааҕы салаатын полиция 1-кы нүөмэрдээх отделыгар  куорат олохтооҕо чааһынай дьиэтиттэн 66 тыһ. солк. суумалаах…

1 час ago