Куйаастан хайдах көмүскэниэххэ?

Share

Сырылатар-сырбатар уот куйаастар, дьэ, түстүлэр. Кэккэ улуустарга 35 кыраадыска тиийэ итийэрэ күүтүллэр. Итии-куйаас күннэр нэдиэлэни быһа тураллара билгэлэннэ. Өҥүрүк куйаас кэмигэр киһи хайдах сөрүүкүөн сөбүй?

Хас да күнү быһа түһэр өҥүрүк куйаас киһи доруобуйатыгар, ордук итиини тулуйа үөрэммэтэх хоту дойду дьонугар, соччото суохтук дьайар. Сааһырбыт дьон хааннарын баттааһына үрдүөн, төбөлөрө ыалдьыан, сүрэх-тымыр ыарыылара бэргиэн, уопсай туруктара мөлтүөн сөп. Дьиэҕэ кондиционер суох буоллаҕына, киһи сырата-сылбата эстэр.

Тириини күнтэн харыстыыр кириэминэн соттор, бэргэһэ кэтэр, элбэх ууну иһэр, ноҕуруусканы аҕыйатар, сыралҕаҥҥа буолбакка, күлүктээх сиргэ сылдьар туһунан үгүс киһи билэр буолуохтаах. Өссө биир сөрүүкүүр ньыманы тускутугар туһаныҥ.

Дьоппуоннар итии кэмҥэ чараас былааты инчэтэн баран, моонньуларыгар бааналлар. Бу киһини олус сөрүүкэтэр. Тоҕо диэтэр, киһи суон тымыра (артерия) моонньуга чугас сылдьар буолан, түргэнник сөрүүкүүгүн, олус итииргээбэккин. Былаат куурдаҕына, инчэтэн биэрэн иһэҕин. Боруобалаан көрөөрүҥ эрэ? Хондуруостаах, ангиналаах, сүнньүлэрэ ыалдьар дьоҥҥо бу ньыма табыгаһа суох.

Аны туран, таһырдьаттан олус итииргээн, хааман кэлэн баран, тута тымныы ууну, утаҕы иһиллибэт. Оннооҕор сылгыны сойутан баран, уулатыллар диэни сылгыһыттар бары  билэллэр. Уурастыыр, ол эбэтэр, көлөһүнүн туппат буолан хаалар дииллэр. Онон сойо түһүөххэ наада. Киһи нооро итии кэмҥэ тымныы утаҕы иһэри букатын сөбүлээбэт. Киһи куйааска көстөөх сиртэн хааман кэлэн баран, тута тымныы кымыһы иһэн, нооро хайдан өлбүт хомолтолоох түгэнэ баар. Онон муустаах утахтан сэрэхтээх буолуҥ. Сойо иликкэ тымныы ууга киирэр эмиэ кутталлаах.

Recent Posts

  • Сонуннар

Муниципальнай тэриллиилэр бэрэстэбиитэллээх уорганнарын дьокутааттарын III сийиэһэ саҕаланна

Бүгүҥҥүттэн Дьокуускай куоракка Саха Өрөспүүбүлүкэтин муниципальнай тэриллиилэрин бэрэстэбиитэллээх уорганнарын дьокутааттарын III сийиэһэ саҕаланна. Сийиэс икки…

13 минут ago
  • Сонуннар
  • Уопсастыба
  • Үөрэх

2026-2027 үөрэх дьылыгар үрдүк үөрэххэ туттарсыы алын баалын бигэргэттилэр

РФ билимин, үрдүк үөрэҕин министиэристибэтэ 2026-2027 үөрэх дьылыгар министиэристибэ иһинэн үлэлиир үрдүк үөрэх кыһаларыгар тутарсарга,…

43 минуты ago
  • Быһылаан
  • Сонуннар
  • Уопсастыба

«Оҕобун уорбуттар» диэн федеральнай ханаалга кэпсээтэ

Федеральнай ханаал бырагырааматыгар Саха сиригэр олорор дьахтар төрүүр дьиэҕэ оҕотун уорбуттарын туһунан кэпсээтэ. Бу түмүгүнэн…

1 час ago
  • Култуура
  • Сонуннар

Ахсынньытааҕы «Чолбон»: Дьоллоох Дьокуускай Саҥа дьыллааҕы кэпсээннэрэ, Николай Неустроев уонна Низами Гянджеви

- «Улуу Кыайыы айымньылара » рубрикаҕа сэрии дьон дьылҕатынан оонньуурун туһунан Прокопий Чуукаар «Дьол хараҕын…

1 час ago
  • Сонуннар
  • Сүрүн

Владимир Путин «Сахатранснефтегаз» хампаанньаҕа махтанна

Арассыыйа бэрэсидьиэнэ Владимир Путин «Сахатранснефтегаз» национальнай ньиэп уонна гаас хампаанньатыгар тус махталын биллэрдэ. Туһааннаах дьаһал…

2 часа ago
  • Култуура
  • Сонуннар

«Өрөгөй хомус» хомус уустарын уус-уран оҥоһуктарын күрэхтэһиитэ саҥа саҕахтары арыйар

Саха Өрөспүүбүлүкэтин култууратын уонна духуобунай сайдыыга министиэристибэтэ уонна Хомус Аан дойдутааҕы түмэлэ тэрийиилэринэн, 2025 с.…

2 часа ago