Быйылгы сыл саҥатыгар олунньу 26 күнүттэн Өймөкөөн улууһун Куйдуһун муостатын тутуута саҕаламмыта.
296 м уһуннаах Куйдуһун муостатын тутуутун сыаната — 700 мөлүйүөн кэриҥэ солкуобай. СӨ Суол пуондатыттан тустаах үбүлээһин көрүллэн, «СтройМост» ХЭУо салалтатын кытта үлэ дуогабара түһэрсиллибитэ.
— Бүгүҥҥү күҥҥэ муоста тутуутун сири хаһар үлэтэ түмүктэннэ. Аны муостабытын таҥар үлэҕэ киирдибит. Тиэхиньикэбит тиийэр — сири хаһар (буровой) массыына, икки кыраан, биир погрузчик, биир бульдозер үлэлиир. 40 киһи (монтажник) таҥыы үлэтигэр сылдьар. Суоппардарбыт тутуу матырыйаалларын барытын таһан бүтэрдилэр. Таһаҕас тиэйиитигэр уопсайа 10 массыына үлэлээтэ. Улан Удэттэн тутуу матырыйаала барыта кэлэн, үлэ күөстүү оргуйар, — диэн үлэ хаамыытын билиһиннэрдэ “СтройМост” ХЭУо дириэктэрин солбуйааччы Афанасий Титов.
Оттон Томтор нэһилиэгин баһылыга Алексей Винокуров солбуйааччыта Айаал Неустроевы миэстэтигэр тиийэн, үлэ хаамыытын көрөн-истэн кэллилэр.
— Муоста тутуута бэрт тэтимнээхтик баран эрэр. Сыбаайатын 8 м дириҥҥэ тиийэ хаһаллар эбит. Муоста 100 туонна уйуктаах дииллэр. Бу күннэргэ матырыйаалларын хомуйан, таҥан барыахтара. Тутуу үлэтэ биир ый устата барыаҕа. Тутааччылар муостаны «ыам ыйын 23 күнүн диэки бүтэриэхпит» дииллэр. Онон үрэх эстиэр диэри Куйдуһун муостатын тутуута түмүктэннэҕинэ, олохтоохтор абыраныа этибит, — диэн санаатын үллэстэр Алексей Николаевич.
Бу күннэргэ Мэҥэ Хаҥалас улууһугар Сыымахха командировкаҕа сылдьан, киһи кэрэхсиир түгэнин көрөн, сырдатарга сананным. Васильевтар…
Көрсүһүүгэ сүрүн болҕомто Саха сиригэр национальнай бырайыактары уонна РФ Бэрэсидьиэнин сорудахтарын олоххо киллэриигэ уурулунна. "Айсен…
Аҕа дойдуну көмүскүүр сэрии уустук сылларыгар тыыл үлэтэ байыаннай балаһыанньа ыйарынан былааннанара. «Барыта фроҥҥа, барыта…
Маны билэҕит дуо? Куоска минньигэс амтаны билэр дуо? Оттон саамай улахан кинигэ төһө ыйааһыннаах буолуо…
Бүгүн, ахсынньы 11 күнүгэр, Бырабыыталыстыба дьиэтигэр, Өрөспүүбүлүкэ саалатыгар "Мин Сахам сирэ XXI үйэҕэ" үтүө дьыала…
2024 сылга Саха сиригэр «Безопасные качественные дороги» бырагырааманан алта муостаны туттулар. Бу туһунан массыына суолун…