Куйдуһун ууттан босхолонно

Өймөкөөн улууһун Куйдуһун учаастага ууттан босхолонно. Бу туһунан «Хотугу сардаҥа» хаһыат суруйар.

Куйдуһун олохтооҕо  Марина Швецова: «Урукку өттүгэр уһун ардахтар кэннэ, хайаларга хаар уулуннаҕына халааннааччы. Ол гынан баран кэлиҥҥи сылларга ол аҕыйаабыта.  Бу сылга олох дьиҥнээх халаан буолла.  Ким даҕаны маннык улахан хоромньулаах халаан буолуо диэн сэрэйбэтэҕэ даҕаны. Уу олус түргэнник кэлбитэ.  Үгүс дьиэлэр, хаһаайыстыбаннай тутуулар ууга барбыттара.   Олохтоох дьаһалта баһылыга Алексей  Винокуров уонна кини солбуйааччыта  Айаал Неустроев  быһаччы салайыыларынан суһаллык дьону эвакуациялаабыттара», — диэн санаатын үллэһиннэ.