Тохсунньу 18 күнүгэр Үрүҥ ойуун, алгысчыт, бөлүһүөк Кулан Хаан «Итэҕэл уонна ыраастаныы» кинигэтин сүрэхтэниитэ ыытылынна. Кинигэни “Айар” кинигэ кыһата бэчээттээн таһаарда.
Дьоро түһүлгэ Кулан Хаан кинигэлэрин таһын ойуутун-бичигин оҥорбут, «Айар» кыһа дизайнер худуоһунньуга Карина Постникова хомус дьүрүскэн тыаһынан эҕэрдэлээн арыйда.
Бу киэһэ, тохсунньу томороон тымныытын аахсыбакка, бар дьон тоҕуоруһа мустан олорон саҥа кинигэ тула сэһэргэстилэр. Кинигэҕэ үрүҥ ойуун, алгысчыт, бөлүһүөк Кулан Хаан итэҕэл уонна ыраастаныы туһунан мындыр көрүүлэрин үллэстэр. Кини дириҥ ис хоһоонноох сүбэлэрэ куту-сүрү бөҕөргөтөргө, ыраастанарга төһүү күүс буолаллар. Бу кинигэ дьиҥ дьол туругун билэргэ анаан суруллубут.
Кулан Хаан бар дьонугар ис туругу бөҕөргөтөргө, кыаҕы-күүһү кэҥэтиигэ, баттык буола сылдьар санааттан босхолонууга анаан ыраастаныы, арчыланыы сиэрин-туомун ыытта. Тэрээһин түмүгэр кэлбит дьон ааптар илии баттааһыннаах, алгыстаах кинигэни ылан, астынан тарҕастылар.
Любовь КОНСТАНТИНОВА-КЫТАЛЫ КУО
Саха сирин элбэх спортсменнарын үөрэппит Алексей Агаповка дойду успуордун миниистирэ Михаил Дегтярев бирикээһинэн мас-рестлиҥҥэ Арассыыйа…
Дьокуускайга ыам ыйын 17 күнүгэр «Түмэллэргэ түүн» диэн аахсыйа ыытыллар. Быйыл аан бастакытын аахсыйа геология…
«Продолжительная и активная жизнь» саҥа национальнай бырайыак олоххо киириитин чэрчитинэн Саха сиригэр сыл саҕаланыытыттан «Гепатиты…
Социальнай ситимнэринэн Саха сирин олохтоохторо Орто Сурт бөһүөлэк аттыгар трассаҕа маҥан кырсаны бэлиэтии көрбүттэрин видеоҕа…
Саха сиригэр анал байыаннай дьайыы бэтэрээннэрэ уонна кинилэр дьиэ кэргэттэрин чилиэннэрэ мэдиссиинэ уонна психологическай бырагыраамалар…
СӨ Бырабыыталыстыбатын дьаһалыгар олоҕуран, Нам улууһугар сокуоннайа суох үлэни бохсор бөлөх тэриллибитэ. Бөлөх салайааччыта –…