Бүгүн, балаҕан ыйын 25 күнүгэр, Дьокуускай куорат Национальнай ойуулуур-дьүһүнүүр түмэлигэр «Культура для Победы» диэн быыстапканы саҕалыыр тэрээһин буолла.
Быыстапка Улуу Кыайыы 80 сылыгар ананар. Ол курдук быыстапкаҕа Аҕа дойду улуу сэриитин кэминээҕи култуура диэйэтэллэрин устуоруйаларын Игорь Бутман уонна Диана Гурцкая куоластарынан тилиннэрбиттэр.
Быыстапка оччотооҕу сэрии сылларыгар култуура эйгэтэ уустук усулуобуйаны аахсыбакка үлэлээбитин туоһулуур. Манна дьиҥнээх архыып докумуоннара, ускуустуба айымньылара, мультимедийнэй матырыйааллар киирбиттэрин биһирии көрдүм.
Тэрээһиҥҥэ СӨ култууратын уонна духуобунай сайдыытын миниистирэ Афанасий Иванович Ноев кэлбит ыалдьыттары эҕэрдэлээтэ уонна сэрии сылларын оҕолоругар бэлэхтэри туттартаата.
Тэрээһин туһунан СӨ култуураҕа уонна духуобунай сайдыыга миниистирэ Афанасий Ноев:
— Улуу Кыайыы 80 сылыгар анаммыт быыстапканы бүгүн арыйдыбыт. Манна биһиги култуурабыт диэйэтэллэрэ, кинилэр ускуустуба эйгэтигэр киллэрбит кылааттарын үйэтитэн бар дьоҥҥо көрдөрөр соруктаах тэрийдибит. Кинилэр хартыыналара, айымньылара сэбиэскэй норуоту санаатын кынаттаан кыайыыга сирдээбитэ саарбаҕа суох.
Бэлиэтээн эттэххэ, сахалартан манна быыстапкаҕа Николай Николаевич Иванов киирбитэ. Кини бэйэтин кэмигэр төрөөбүт дойдутун көмүскээбитэ, бааһыран дойдутугар эргиллэн баран култуура эйгэтигэр тус кылаатын киллэрбитэ. Кини Кыайыыны уһансыбыт култуура диэйэтэллэриттэн биирдэстэрэ буолар. Биһиги бу дьоммутунан киэн туттабыт, бу үтүө үгэс көлүөнэттэн көлүөнэҕэ бэриллэн төрөөбүт дойдуга бэриниилээх ыччат үүнэригэр төһүү күүс буолуоҕа.
СӨ Национальнай бибилэтиэкэтин биир кэлим өҥөнү оҥорор салаа сэбиэдэссэйэ Раиса Колодезникова санаатын үллэһиннэ:
— Кыайыы волонтердара диэн Улуу кыайыы 80 сылын көрсө үлэбитин саҕалаабыппыт. Култуура эйгэтин үлэһиттэрэ бүгүн «Культура для Победы» диэн тэрээһиммитигэр сэрии ыар сылларыгар култуура диэйэтэллэрин үлэлэрин сырдатар быыстапканы тэрийдибит. Бу бырайыакпыт партнердара уонна волонтердар көмөлөрүнэн биһиги оччотооҕу сыллардааҕы устуоруйаны тилиннэрэн көрөр, көрдөрөр кыахтанныбыт. Култуура уонна устуоруйа быстыспат ситимнээхтэрин туоһулуур быыстапка буолар, онон бары кэлэн көрүҥ, сылдьыҥ.
Cулустар тугу сипсийэллэр? Хой Бу нэдиэлэҕэ бэйэҥ сөбүлүүр дьарыккынан үлүһүйүөҥ. Саҥа дьарык бары бириэмэҕин ылыаҕа,…
Синоптиктар сабаҕалыылларынан, бүгүн, тохсунньу 30 күнүгэр, Саха сирин үгүс өттүгэр үксүн сөҥүүтэ суох. Тыала мөлтөх,…
Дьокуускайга 1 №-дээх полиция отделын дьуһуурунай чааһыгар балыыһаттан кырбаммыт дьахтар туһунан иһитиннэрии киирбит. Холуобунай ирдэбил…
Горнай улууһугар Атамай оскуолатыгар оҕо хаһыатыгар "Кэскилгэ" кылааһынан анал сурутуу аахсыйата ыытыллыбыта. Онно оҕолор көхтөөхтүк…
Тохсунньу 31 күнүгэр Дьокуускайга “Арассыыйа – мин устуоруйам” историческай паакаҕа Туризм бэстибээлэ ыытыллыаҕа. Тэрээһиҥҥэ туризм…
«Все в этой жизни каждый навык, знание, опыт как петли нити вяжутся в красивое кружево…