“Культура для Победы” быыстапкалар аһыллыахтара

Аҕа дойду Улуу сэриитин сылларын култууратын диэйэтэллэригэр аналлаах “Культура для Победы” быыстапкалар  Дьокуускайга, Волгоградка, Доннааҕы Ростовка, Липецкайга, Тулаҕа уонна Тюмеҥҥэ Кыайыы күнүн иннинэ аһыллыахтара. 

Тэрээһин Аҕа дойду Улуу сэриитигэр кыайыы 80 сылыгар аналлаах итиэннэ “Култуура волонтердара” култуура эйгэтигэр баҕа өттүлэринэн кыттар Бүтүн Арассыыйатааҕы уопсастыбаннай хамсааһын бырайыагын сүрүн тэрээһининэн буолар.

Тустаах бырайыак бастакы быыстапката бүгүн, кулун тутар 26 күнүгэр Н.А.Островскай аатынан Мосвкатааҕы судаарыстыбаннай түмэлгэ аһыллар.

“Аҕа дойду Улуу сэриитэ “во время войны музы умолкают” диэн этии олоҕо суоҕун итэҕэтэр. Аҕа дойду Улуу сэриитигэр курдук өссө биир даҕаны сэриигэ литэрэтиирэҕэ, ускуустубаҕа наадыйаллара  биллибэтэҕэ. Ордук Төрөөбүт дойду, кини устуоруйата, төрүт үгэстэр, эр санааланыы тиэмэлэрин сэҥээрэллэрэ” – диэн Судаарыстыбаннай түмэл – Н.А.Островскай аатынан “Интеграция” култуура киинин дириэктэрэ Игорь Думенко бэлиэтиир.

“Күн бүгүн култуура волонтердара 350-тан тахса ураты устуоруйаны түмтүлэр, бу үлэ салҕанар. Биһиги көлүөнэлэри ситимниир уонна төрүт үгэһи чөл хаалларар дьон туһунан кэпсиибит. Култуура – бу ааспыт кэм өйдөбүлэ эрэ буолбатах, кэлэр кэм суолталаах устуоруйата. Биһиги сорукпут – ону оннунан хаалларан, кини сырдыгынан сылдьаайар кыаҕын өссө күүһүрдүү” – диэн култуура эйгэтин Бүтүн Арассыыйатааҕы “Култуура волонтердара” баҕа өттүнэн уопсастыбаннай хамсааһыннарын салайааччыта, РФ култууратын министиэристибэтин ыччакка сэбиэтин бэрэссэдээтэлин солбуйааччы Милена Богданова бэлиэтиир.

Ил Дархан уонна Бырабыыталыстыба пресс-сулууспата. Салгыы манна ааҕыҥ.