Салгыы
Култуура эбийиэктэригэр информационнай табличкалары иилии аахсыйата саҕаланна

Култуура эбийиэктэригэр информационнай табличкалары иилии аахсыйата саҕаланна

Ааптар:
18.04.2023, 16:20
Хаартыска: Мария Васильева, СИА
Бөлөххө киир:

Дьокуускай куоракка Аҕа дойду Улуу сэриитин сылларыгар өлбүт биир дойдулаах буойуннарга анаммыт пааматынньык-тааҥкаҕа информационнай табличканы үөрүүлээх быһыыга-майгыга ииллилэр. Бүгүҥҥүттэн Саха сиригэр култуура эбийиэктэригэр информационнай табличкалары иилии аахсыйата саҕаланна.

«Муус устар 18 күнүгэр пааматынньыктар уонна историческай миэстэлэр норуоттар икки ардыларынааҕы күннэрэ бэлиэтэнэр. Бырааһынньык күнүгэр Саха сирин үрдүнэн култуура эбийиэктэригэр информационнай табличкалары туруоруу аахсыйата саҕаланна. Бүгүн биһиги бастакы табличканы Аҕа дойду Улуу сэриитин сылларыгар өлбүт биир дойдулаах буойуннарга анаммыт пааматынньык-тааҥкаҕа ииллибит. Бүгүн өрөспүүбүлүкэҕэ барыта 15 паааматынньыкка итинник бэлиэ иилиллиэҕэ», — диэн СӨ Култуура уонна устуоруйа эбийиэктэрин харыстыыр департамент салайааччытын солбуйааччы Гаврил Михайлов иһитиннэрдэ.

Быйыл департамент 300-тэн тахса информационнай табличканы оҥотторбут. Сыл бүтүөҕэр диэри бэлиэлэр өрөспүүбүлүкэ үрдүнэн баар судаарыстыба көмүскэлэригэр киирэр култуура уонна устуоруйа эбийиэктэригэр иилиллиэхтэрэ. Гаврил Михайлов эппитинэн, аахсыйа кэлэр сылга эмиэ ыытыллыаҕа. 

Бастакы информационнай табличка үөрүүлээх туруоруутугар СӨ уопсас­тыбаннай балаататын бэрэссэдээтэлэ Николай Бугаев, Устуоруйа уонна култуура пааматынньыктарын харыстыыр уопсастыба региональнай отделениятын бэрэссэдээтэлэ Руслан Васильев, Дьокуускай кылаабынай архитектора Семен Сергеев кытыннылар.

+1
0
+1
0
+1
0
+1
0
+1
0
+1
0
+1
0
Бары сонуннар
Салгыы
29 мая
  • 22°C
  • Ощущается: 21°Влажность: 37% Скорость ветра: 3 м/с

Сообщить об опечатке

Текст, который будет отправлен нашим редакторам: