Хаартысканы Марта Николаева тиксэрдэ
РФ, СӨ култууратын үтүөлээх үлэһитэ, 2025 сыллааҕы национальнай уопсастыбаннай бириэмийэ лауреата, Саха сиринээҕи «Симэх» национальнай галерея дириэктэрэ Яна Игнатьева култуура салаатыгар үлэлээбитэ 50 сылыгар аналлаах, «Верность профессии» хаартысканан быыстапка үөрүүлээх аһыллыыта сэтинньи 7 күнүгэр Өксөкүлээх Өлөксөй аатынан норуоттар доҕордоһууларын дьиэтигэр буолла.
50 сыл диэн олох омурҕана буолар. Бу кэм устата Яна Викторовна Игнатьева култуура салаатыгар күн бүгүнүгэр диэри айар үлэ умсулҕаныгар айымньылаахтык үлэлии сылдьар. Кэнники сылларга «Симэх» национальнай прикладной искусство галереятыгар салайааччы быһыытынан Арассыыйаҕа биир биллэр айымньылаах үлэһит быһыытынан биллэр. Быыстапка үөрүүлээх аһыллыытыгар Яна Викторовнаны кытары бииргэ алтыһан үлэлии сылдьар биир идэлээхтэрэ, өрөспүүбүлүкэҕэ биллэр уустар, маастардар кэлэн итии-истиҥ тылларын эттилэр.
СӨ бырабыыталыстыбатын бэрэссэдээтэлин солбуйааччы С.В.Местников аатыттан эҕэрдэ суругу култуура миниистирин солбуйааччы Марина Силина туттарда. Маны таһынан, Арассыыйатааҕы «Гордость нации» дипломун эмиэ ытыс тыаһын ортотугар биэрдэ.
Яна Викторовна саха норуотун кэскилин, инникини өтө көрөн үлэлээбитин бэлиэтээтилэр. Кини тула элбэх уус, иистэнньэҥ мустан тэрээһиннээхтик саха искусствотын ытыктата сылдьаллар. Төрөөбүт дойдутуттан Чурапчыттан эмиэ истиҥ эҕэрдэни эттилэр.
Бар дьонун, саха искусствотын туһугар сырдык сулус буолан үлэлии сылдьарыгар эҕэрдэлээччилэр баҕа санааларын эттилэр.
Үрдүк үөрэх кэнниттэн Дьокуускайдааҕы куорат култуураҕа салаатыттан үлэтин саҕалаабыта, профсоюзнай үлэни тэрээһиннээхтик ыыппыт салайааччыларыттан биирдэстэрэ буолар.
Марта Николаева
Бу күннэргэ Саха сирин улуустарыгар Төрөөбүт тыл уонна сурук-бичик күнүгэр анаммыт тэрээһиннэр салҕаналлар. Биир олус…
Бу үөрүүлээх күҥҥэ СӨ Бырабыыталыстыбатын Бэрэссэдээтэлэ Кирилл Бычков кыттыыны ылла. Гимназия устуоруйата 1990-с сыллар саҥаларыттан,…
Бэҕэһээ, Ийэ тыл, сурук-бичик күнүгэр, Киллэм култууратын дьиэтин үлэһиттэрэ ураты эҕэрдэлэринэн дьону соһуттулар уонна үөртүлэр.…
Бүгүн Уһук Илин тоҕус эрэгийиэнин сүүмэрдэммит хамаандаларын художественнай гимнастикаҕа бастыыр иһин күрэхтэһиилэрин үһүс күнэ Саха…
Төрөөбүт тыл уонна сурук-бичик күнүнэн Таатта улууһун Дьохсоҕон нэһилиэгэр “Саргыланнын-кынаттаннын сахам тылын кэрэтэ-кэрэмэһэ!” диэн өрөспүүбүлүкэ…
Бырабыыталыстыбаҕа Бүлүү бөлөх улуустарга уоту туһаныы кээмэйин диапазоннарын (тарыыптарын) хаттаан көрбүттэр. Сунтаар уонна Ньурба улуустарыгар…