Хаартыска: ааптар тиксэриитэ.
СӨ култууратын үтүөлээх үлэһитэ, хас да бэстибээл, уус-уран көрүү кыттыылааҕа, өрөспүүбүлүкэтээҕи Оһуокай уопсастыбатын бэрэссэдээтэлин солбуйааччы Ирина Васильевна Абрамова култуура эйгэтигэр үлэлээбитэ быйыл 50 сылын туолла.
Ирина Васильевна идэтинэн хореограф эрээри ырыаһыт, хоһоонньут. Өр сылларга тыа хаһаайыстыбатын техникумугар култуурунай салаа салайааччытынан үлэлээбитэ. Сүрүн үлэтин таһынан ырыа, үҥкүү ансаамбылларын тэрийэрин таһынан, Оһуокай уопсастыбатыгар хас өрөбүл ахсын Оһуокайы тэрийээччинэн үлэлиир. Төрөөбүт улууһугар Усуйаанаҕа биир дойдулаахтар түмсүүлэрин көхтөөх салайааччыларыттан биирдэстэрэ буолар. Дойдутугар Тумакка ыраах айан диэбэккэ, мэлдьи ырыа, үҥкүү кэһиилээх тиийэр, култуурунай олохторун эбэһээт сырдатан, дьонун-сэргэтин үөрдэн кэлэр.
Биһиги Оһуокайбыт Арчы дьиэтигэр өрөбүл ахсын, оттон сайыҥҥы өттүгэр пааркаҕа субуотаҕа ыытыллар. Ирина Васильевна хас биирдии Оһуокай түмсүүтүн чилиэнин кыһалҕатын, үөрүүтүн тэҥҥэ үллэстэр чугас киһибит буолар. Кини Оһуокай түмсүүгэ биир улахан өҥөтүнэн, өрөбүлгэ мустан үҥкүүлүүр миэстэлэрэ суох эрдэҕинэ, техникум урукку салайааччытыттан көрдөһөн, Оһуокайы ыыттарар буолбута. Саха кадрдарын иитэн таһаарар үөрэх тэрилтэтин үлэһиттэрэ, устудьуоннара Оһуокайга чугас буоллуннар диэн улахан сааланы өрөбүл ахсын Оһуокай уопсастыбатыгар уларсан, улахан өйөбүлү оҥорбута. Оччотооҕу техникум преподавателлэрэ, устудьуоннара ааттаах-суоллаах этээччилэри профессор Николай Петрову, Арсен Зверевы уо.д.а. этээччилэри киэн тутта көрдөхтөрө.
Ирина Васильевна хоһоон суруйар. Айбыт хоһооннорун аны бэйэтэ мелодиялаан, хас да ырыалаах. Амматтан бэйиэт Семен Капитонов хоһооннорун матыыптаабыта. Кини өссө да айымньылаахтык үлэлиэ, бар дьонун сонун ырыаларынан, хоһооннорунан үөрдэ сылдьыа диэн эрэнэбит.
Марта Николаева
Дьокуускай куорат баһылыга Евгений Григорьев суруналыыстары кытары көрсүһүүтүгэр киин куорат тырааныспарын инфраструктуратын тупсарыыга былааннарын туһунан…
Бу күннэргэ СӨ тыа хаһаайыстыбатын министиэристибэтэ халаантан эмсэҕэлээбит Өймөкөөн улууһун нэһилиэктэригэр паромунан сырыы түмүктэниэр диэри…
Бүгүн Саха сиринээҕи Киин быыбардыыр хамыыһыйа бэрэссэдээтэлэ Евгений Федоров бэҕэһээ, балаҕан ыйын 14 күнүгэр, Быыбар…
Балаҕан ыйын 13 күнүгэр, Чурапчы Күнүн чэрчитинэн, ырыаҕа ылламмыт, хоһооҥҥо холбоммут Тоҕус томтордоох Чурапчыга, Егор…
Ааспыт өрөбүллэргэ Дьокуускайга 22 суол саахала буолбута бэлиэтэммит, онно үс киһи эмсэҕэлээбит. Бу туһунан киин…
«Воин» киин уонна Саха Өрөспүүбүлүкэтин Бырабыыталыстыбата балаҕан ыйын 15-21 күннэригэр ыытыллар «Путь воина» байыаннай-тактическай күрэхтэһиилэр…