Култуура уонна искусство кэллиэһэ Бурятияҕа мобилизацияламмыт дойдулаахтарыгар баһыылкалары туттардылар.
Бу туһунан Анастасия Филиппова СИА суруйда. Бэҕэһээ, норуот сомоҕолоһуутун күнүгэр, А.Д.Макарова аатынан култуура уонна искусство кэллиэһин устудьуоннара уонна эстрада тыйаатырын артыыстара Улан-Удэ куоракка кэнсиэртии тиийдилэр. Кинилэр онно быстах байыаннай хомуурга барбыт дойдулаахтарыгар баһыылкалары тиэртилэр. Буспут ас арааһын, алаадьыны кэллиэс кэлэктиибэ бэлэмнээбит. Баһыылканы 11 биригээдэҕэ туттарбыттар.
«Дойдулаахтарбыт ыыппыт кэһиилэрэ санаабытын көтөҕөллөр, тирэх буолаллар», — диэбиттэр онно баар уолаттар. Айар бөлөх бырабыыталыстыба, култуура уонна духуобунай сайдыы министиэристибэтин көҕүлээһиннэринэн тэриллибит. Бөлөххө А.Д.Макарова аатынан култуура уонна искусство кэллиэһин устудьуоннара, СӨ култууратын үтүөлээх үлэһитэ Мария Боппоенова салайааччылаах «Эйгэ» норуодунай ансаамбыл, С.Зверев-Кыыл Уола аатынан үҥкүү национальнай тыйаатырын солистара бааллар. Маны сэргэ, кэнсиэргэ саха эстрадатын биллэр-көстөр ырыаһыттара Василий Еремеев уонна Виктор Иванов — Сиэйэ Уола кытталлар. Бөлөҕү култуура кэллиэһин дириэктэрэ Захар Никитин салайар. Сэтинньи 6 күнүгэр быстах байыаннай хомуурга барбыт дьоҥҥо кэнсиэртииллэр.
Хаартыскалар: СИА
Бүгүн, ыам ыйын 9 күнүгэр, Дьокуускайга сылын аайы ыытыллар Кыайыы Оһуокайа үрдүк таһымнаахтык буолла. Быйыл…
Саха сиригэр Мэҥэ Хаҥаласка уонна Өлүөхүмэ оройуоннарыгар сүппүт эр дьону көрдүүллэр. Ааспыт сууккаҕа атын оройуоннарга…
Арассыыйа Дьоруойа Андрей Григорьев Москваҕа Кыайыы параадыгар кытынна. Кини ыҥырыылаах ыалдьыт быһыытынан олорорун "Бастакы" ханаалга…
Ыам ыйын 5 күнүгэр, Пушкин аатынан киин библитиэкэҕэ Үөһээ Бүлүү Балаҕаннааҕыттан төрүттээх, билигин Нам Түбэтигэр…
Таатта улууһун киинигэр Улуу Кыайыы 80 сыллаах үбүлүөйүн көрсө "Кыайыы көтөллөөх буойун учууталлар көмүс уруоктара"…
edersaas.ru саайт 2020 сыллаах архыыбыттан. Кыайыы 75 сылынан эһээм кэпсээниттэн тугу өйдөөн хаалбыппын суруйарга быһаарынным.…