Култуура миниистирэ Афанасий Ноев Бэс Күөлүгэр тутулла турар Култуура киинин тутуутун билистэ
![](https://sakha-sire.ru/wp-content/uploads/2024/06/screenshot_20240608-001152__01__01-900x596.jpg)
Бэҕэһээ, бэс ыйын 7 күнүгэр, СӨ Култуураҕа уонна духуобунай сайдыыга миниистирэ Афанасий Ноев Горнай улууһун Бэс Күөлүгэр тиийэн, Атамайдааҕы элбэх өҥөнү оҥорор култуура киинин тутуутун кытта билсэ сырытта.
Саҥа тутулла турар эбийиэк 2 тыһ. кв м иэннээх 700 киһи сылдьарыгар учуоттанан оҥоһуллубут баараҕай тутуу. Быйыл үлэҕэ киириэхтээх. Тутуу матырыйаала барыта кэмигэр кэлэн, үлэ 61% бэлэм да, генеральнай бэдэрээччит «СТК» ХЭУо үлэһит дьоно биллэ аҕыйаабыта көстөр. Онон миниистир бу итэҕэһи туоратар үлэни ыытарга соруйда.
Биллэн турар, элбэх өҥөнү оҥорор киин Горнай улууһа сайдыытыгар улахан көмөлөөх уонна өйөбүллээх буолуоҕа. Федеральнай үбүлээһин оҥоһуллар буолан, үлэ тэтимнээх.
«Бэс Күөл нэһилиэгин социальнай эбийиэктэрин бырайыага РФ Бэрэсидьиэнэ Владимир Путин сорудаҕынан бэлэмнэммиттэрэ», — диэн бэлиэтээтэ бэйэтин t.me/afanasiy_noev телеграм-ханаалыгар миниистир Афанасий Ноев.
Сообщить об опечатке
Текст, который будет отправлен нашим редакторам: