Култуура, духуобунай сайдыы миниистирэ Юрий Куприянов араанньы буолан, эмтэнэ сытар байыаннай сулууспалаахтарга сырытта. Бу туһунан СӨ Бастайааннай бэрэстэбиитэлистибэтин пресс-сулууспата иһитиннэрэр.
Байыастары кытары көрсүһүүгэ Саха сирин бастайааннай бэрэстэбиитэлин солбуйааччы Юрий Кравцов уонна СӨ Уопсастыбаннай балаататын бэрэссэдээтэлэ Николай Бугаев эмиэ сылдьыбыттар.
— Саамай сүрүнэ, биһиги байыастарбыт санааларын иһиттибит, кыһалҕаларын биллибит. Уолаттарбытыгар соҕотох буолбатахтарын, биһиги көмөлөһөргө бэлэммитин биллэриэхпитин наада. Биһиги бииргэбит! – диэн Юрий Куприянов бэлиэтээтэ.
Кини байыастарга Саха сириттэн кэлбит кэһиилэри түҥэттэ, ирэ-хоро кэпсэттэ, өрөспүүбүлүкэ сонуннарын кэпсээтэ. С.М. Киров аатынан Байыаннай-мэдиссиинискэй академия килииникэтигэр кини икки байыаннай сулууспалаахха култуура үлэһиттэрин ааттарыттан хомустары бэлэхтээтэ.
Пушкин куоракка госпитальга көрсүһүүгэ Эдьигээн улууһуттан сылдьар байыас эмтэнэн үтүөрэн баран, байыаннай дьайыыга хат барар баҕалааҕын туһунан иһитиннэрдэ.
Тохсунньу 5 күнүгэр Ньурба улууһугар 1955 с.т. дьахтар сүппүтүн туһунан СӨ Быыһыыр сулууспатын пресс-сулууспата иһитиннэрбитэ.…
Тохсунньу Таҥха ыйынан биллэр. Сыл ахсын сүллүүкүттэр хаһан тахсар этилэрий, ойбонтон хаһан уу ылар этибитий…
Бүгүн, тохсунньу 7 күнүгэр, өрөспүүбүлүкэ илин, соҕуруулуу-илин өттүгэр сөҥүү түһэрэ күүтүллүбэт. Мантан атын оройуоннарга кыралаан…
Саҥа дьыллааҕы бырааһынньыктар түмүктэнэн, симэммит харыйалары хомуйар кэм чугаһаата. Астрологтар маннык күннэргэ харыйаны хомуйары сүбэлииллэр:…
Судаарыстыбаннай Дуумаҕа дьиэ кэргэҥҥэ үһүс уонна онтон кэлэр оҕолор төрөөтөхтөрүнэ дьиэ кэргэн ипотекатын ыстаапкатын намтатар…
Бэрэсидьиэн академиятын эспиэрэ Татьяна Подольская быйыл уоппускаҕа барарга саамай барыстаах ыйдары эттэ. Кини иһитиннэрбитинэн, биэс…