Хаартыска -- Гаврил Вырдылин тиксэриитэ.
Бу күннэргэ Саха Өрөспүүбүлүкэтин култуураҕа уонна духуобунай сайдыыга миниистирин бастакы солбуйааччыта Мария Турантаева Таатта улууһугар үлэлээтэ.
Бу туһунан Тааттатааҕы Норуот айымньытын дьиэтин салайааччыта Гаврил Вырдылин иһитиннэрдэ:
— Салайааччы Былатыан Ойуунускай аатынан Чөркөөхтөөҕү култуура киинин тутуутун боппуруоһугар нэһилиэк дьаһалтатын баһылыга Андрей Семеновтыын көрүстэ. П.А. Ойуунускай аатынан Судаарыстыбаннай түмэл хапытаалынай өрөмүөнүн былаанын билистэ.
Чөркөөхтөөҕү историко-мемориальнай түмэл сиригэр-уотугар «Паамытынньыктары харыстыаҕын» өрөспүүбүлүкэтээҕи аахсыйа үлэтин көрдө-иһиттэ. Түмэл күрүөтүн тутуута, баһаартан куттала суох буолууну үбүнэнэн хааччыйыыга кэпсэтиилэр буоллулар. Түмэллэр инники үлэлэригэр кэккэ былаан торумнанна. Саппыйаҕа Ойуунускай бүтэһигин сылдьыбыт балаҕанын — Михаил (Мойуор) Кулаковскай балаҕанын көрдүлэр.
Онтон Ытык Күөлгэ Тааттатааҕы Норуот айымньытын дьиэтин хапытаалынай өрөмүөнүн дьүүллэстбит, хартыына галереятын көрдүбүт. Улуус баһылыгын бастакы солбуйааччы Руслан Захаров кэбиниэтигэр инники былааннары ырыттыбыт. Ил Дархан Айсен Николаев тус хонтуруолугар турар Чөркөөххө Былатыан Ойуунускай аатынан Култуура дьиэтин тутуутун, Баайаҕаҕа Моҕол ураһа бүрүөһүнүн оҥорууну ырыттыбыт. Туора Күөллээҕи Норуот айымньытын дьиэтин тутуу, Манчаары оонньууларыгар култуурунай бырагыраама, Олоҥхо дьиэтин тутуутун тула санаа атастаһыыта буолла. Манчаары оонньууларын үөрүүлээх аһыллыы уонна сабыллыы режисерынан биир дойдулаахпыт, Былатыан Ойуунускай аатынан Саха тыйаатырын режиссера, артыыһа Роман Дорофеев анаммыта. Режиссерскай-постановочнай бөлөххө улуустааҕы Норуот айымньытын дьиэтин үлэһиттэрэ киирдилэр. Министиэристибэҕэ анал хамыыһыйа тэрилиннэ. Күһүн суолталаах тэрээһин култуурунай бырагыраамата бигэргэниэҕэ.
Бу күннэргэ Үөһээ Бүлүү улууһугар «Көмүскэл» доруобуйаларыгар хааччахтаах оҕолоох төрөппүттэр түмсүүлэрэ оҕолоругар анаан кэнсиэр оҥордулар.…
Биир кэлим эксээмэҥҥэ быйыл бастакынан 100 баалы ылбыт оҕолор ааттара билиннэ. Кинилэр кимнээҕий? Химия биридимиэтигэр…
Өрүскэ айан саҕаламмытынан сибээстээн, кыра кээмэйдээх суудуналары өрүстэргэ, күөллэргэ ыытыы кэмигэр инникитин дьон-сэргэ тус олоҕор…
Госөҥөлөргө наадалаах ИТ- үөрүйэхтэргэ босхо тестированиены барар уонна РФ Цифровой сайдыыга министиэристибэтин официальнай сэртипикээтин ылар…
Таастаах диэн сиргэ "Амикан" этнография комплексын көрүү кэнниттэн, Нерюнгри оройуонун дьаһалтатын Олоҥхо ыһыаҕар эппиэттээх исписэлиистэрэ,…
Нерюнгри оройуонун биэнсийэлээҕэ түөкүттэр “домофон уларытыыта” исхиэмэлэригэр киирэн биэрэн. Туох баар дьиэ кэргэнин уурумньутун барытын…