Хаартыска култуура министиэристибэтин саайтыттан ылылынна
Бүгүн, ахсынньы 23 күнүгэр, Ил Дархан СӨ Судаарыстыбаннай Мунньаҕар (Ил Түмэҥҥэ) туһаайан этиитигэр Саха Өрөспүүбүлүкэтигэр 2026 сылы Култуура сылынан биллэрдэ.
Бу үөрүүлээх сонун туһунан бэйэтин санаатын СӨ култуураҕа уонна духуобунаска миниистирэ Афанасий Ноев үллэһиннэ:
-Саха Өрөспүүбүлүкэтин Ил Дархана Айсен Николаев Ил Түмэҥҥэ уонна Саха сирин олохтоохторугар сыл аайы оҥорор Туһаайыытыгар 2026 сылы Култуура сылынан биллэрэн, барыбыт санаатын өрө көтөхтө уонна кэскилгэ угуйда. Бу улахан эппиэтинэс буолар. Биһиги култуура эйгэтигэр үлэлиир дьоммут-сэргэбит, үлэһиттэрбит уонна өрөспүүбүлүкэ дьоно-сэргэтэ бары да үөрэ истэн, санаалара көтөҕүллэн олорор буолуохтаахтар дии саныыбын. Тоҕо диэтэххэ, култуура — тылбыт-өспүт, итэҕэлбит, туох баар духуобунай баайбыт. Онон кэлэр сылга дьоммутун-сэргэбитин түмэн, өссө саҥа таһымҥа тахсаммыт, үлэбитин-хамнаспытын күүһүрдэн, култуура уонна духуобунас өттүнэн Арассыыйа биир саамай баай субьега буоларбытын көрдөрүөхпүт диэн бигэ эрэллээхпин. Тоҕо диэтэххэ, биһиги үйэлэртэн үйэлэргэ илдьэ кэлбит култуурабыт нэһилиэстибэтин тута сылдьабыт, ону салгыы сайыннарабыт. Онон кэлэр сылга өрө көтөҕүллэн, бары бииргэ үлэлиэхпит-хамсыахпыт, тылбытын-өспүтүн сайыннарыахпыт, үрдүк таһымҥа таһаарыахпыт диэн этиэхпин баҕарабын.
Өрөспүүбүлүкэтээҕи "Оһуокай" түмсүү Дархан этээччитэ Лариса Николаевна оскуола үөрэнэччилэрин дьарыктаабыта ыраатта. Туйах хатарааччылаах бастыҥ этээччибит…
Айсен Николаев Олоҥхо тыйаатырын Саха сирин норуоттарын култуурунай баайын эбийиэгинэн билинэр туһунан Ыйаахха илии баттаата.…
Дьокуускайга 4 №-дээх полиция отделын дьуһуурунай чааһыгар дьахтар суумкатын уордарбытын туһунан сайабылыанньа суруйбут. Кини киин…
Алааска, тыаҕа сылдьан хаһыытыыры, улаханнык айдаарары боболлорун билэргит буолуо. Ону таһынан өссө тугу сэрэтэллэрий, өйдөтөллөрүй?…
Айсен Николаев Судаарыстыбаннай Мунньахха (Ил Түмэҥҥэ) туһаайан этиитигэр дьиэ кэргэннээх үлэһиттэри өйүүр миэрэлэри олоххо киллэрэргэ…
Үгүс үбүлүөйдээх тэрээһиннэринэн баай Өлүөхүмэ улууһун 1-Нөөрүктээйитээҕи модельнай бибилэтиэкэҕэ, ааспыт нэдиэлэҕэ сылы түмүктүүр тэрээһин буолан…