Култуура уонна духуобунай сайдыы миниистирин бастакы солбуйааччытынан Мария Турантаева ананна

Ол туһунан Ил Дархан Айсен Николаев кулун тутар 4 күнүгэр тустаах ыйаахха илии баттаата.

Мария Турантаева Олоҥхо тыйаатырын салайааччытынан үлэлээбитэ. Кини Москватааҕы  потребительскай кооперация университетыгар “экэнэмиис, үп уонна кирэдьиит”, Үлэ уонна социальнай сыһыаннаһыылар академияларыгар «юриспруденция»,  ХИФУ-га  «Норуот уус-уран култуурата» идэлэргэ үөрэммитэ. Бастаан Дьокуускайга потребительскай кооперация эргиэн-экэниэмикэ кэллиэһигэр, Экэниэмикэ-быраап институтугар, Саха тыйаатырыгар юриһынан үлэлээбитэ.

2012  сыллаахха Олоҥхо тыйаатырыгар ситэриилээх дириэктэринэн ылыллан баран, 2013 сыллаахха дириэктэри уопсай боппуруостарга солбуйааччынан, 2021 сыллаахха дириэктэринэн анаммыта.