Хаартыска -- t.me/afanasiy_noev
Бэҕэһээ, алтынньы 31 күнүгэр, Нуучча тыйаатырыгар үгэс буолбут култуура уонна ускуустуба үөрэҕин кыһаларыгар киирбит устудьуоннары эҕэрдэлээтилэр.
Култуура уонна ускуустуба Арктическай институтун, В.А.Босиков аатынан Муусука Үрдүкү оскуолатын, А.Д. Макарова аатынан култуура уонна ускуустуба, Дьокуускайдааҕы муусука кэллиэстэрин, Аксинья уонна Наталья Посельскаялар ааттарынан балетнай, П.Н. Романов аатынан художественнай училищеларга үөрэнэр барыта 303 устудьуон үөрэх-билии аартыгар үктэммиттэринэн култуура уонна духуобунас сайдыытын миниистирэ Афанасий Ноев эҕэрдэлээтэ.
«Эһиги, бастакы куурус устудьуоннара, сотору кэминэн Сахабыт сирин култууратын сайыннарар үтүөкэннээх исписэлиистэр үүнэн тахсаргытыгар эрэнэбин. Өрөспүүбүлүкэбит аатын инники күөҥҥэ тутан, киэн тутта дорҕоонноохтук ааттатарга дьулуһуҥ, ситиһии кынаттанан, сонун сүүрээннэри олоххо киллэриҥ!» — диэн баҕа санаатын уонна кэс тылын тиэртэ Афанасий Иванович.
Үгэс быһыытынан устудьуоннар бэйэлэрин автографтарын кытта «Дьол чыычааҕа» уруһуй хас биирдии устудьуоҥҥа дьолу уонна ситиһиини баҕаран, бэйэтин суругун эмиэ хаалларда.
Бу туһунан миниистир Афанасий Ноев бэйэтин телеграм-ханаалыгар иһитиннэрдэ.
Бүгүн, ыам ыйын 14 күнүгэр, Арассыыйа Дьоруойа Дмитрий Куценко "Боотур" этэрээт байыастарын кытта көрүстэ. Кини…
СӨ Ил Дархана Айсен Николаев бүгүн, ыам ыйын 14 күнүгэр, ыксаллаах быһыыны-майгыны сэрэтэр уонна куттал…
Аан дойдуга соҕотох Хомус түмэлин пуондатыгар араас дойду 1882 муусукаҕа үстүрүмүөннэрэ хараллан сыталлар. Итинтэн 1744-дэ…
СӨ экологияҕа, айылҕаны туһаныыга уонна ойуур хаһаайыстыбатыгар министиэристибэтэ саас көтөргө уонна ойуур көтөрүн бултуур кэм…
Саха сиригэр 2024 сыл ахсынньытыттан дьиэ кэргэттэри (бииригэр диэри саастаах оҕолоох ыаллары) арыаллыыр "Мэдиссиинэ көмөтө"…
Оҕо сайыҥҥы сынньалаҥын тэрийии боппуруоһунан төрөппүт аһаҕас мунньаҕа буолан ааста. Тэрийээччилэр иһитиннэрбиттэринэн ыам ыйын 15…