Ааптар хаартыскаҕа түһэриитэ
Бүгүн Дьокуускайга култуура үлэһиттэрэ ааспыт сыллааҕы түмүгү таһаарар, быйылгы сыллаах үлэни торумнуур үс күннээх сүбэ мунньахха муһуннулар.
Суолталаах тэрээһиҥҥэ өрөспүүбүлүкэ 24 улууһуттан, Дьокуускай куораттан, Жатай бөһүөлэгиттэн култуура судаарыстыбаннай уонна муниципальнай тэрилтэлэрин исписэлиистэрэ кыттыыны ылаллар.
Култуура үлэһиттэрэ үс күнү быһа сэминээр-практикумнарга үөрэнэн, дьарыктанан, идэлэрин таһымын үрдэтиэхтэрэ. Култуура эйгэтин эспиэрдэрэ үлэ саҥа ирдэбиллэрин, сонун сүүрээннэри билиһиннэриэхтэрэ. Биллэн турар, үлэҕэ уопуттарын атастаһыахтара, араас тэрээһиннэргэ кыттыыны ылыахтара. Сарсын, тохсунньу 28 күнүгэр, улуустардааҕы култуура управлениетын салайааччылара Ил Түмэн култуураҕа уонна иһитиннэрэр-биллэрэр тиһиктэргэ сис кэмитиэтин кытта көрсүөхтэрэ. СӨ Култуура уонна духуобунас сайдыытын министиэристибэтин отчуотугар ааспыт сыллааҕы үлэ түмүгүн таһаарыахтара, үүммүт сыл соруктарын, саҥа хайысхалары торумнуохтара.
Тэрээһин бастакы күнүн миниистир Афанасий Ноев аста, быйылгы сүрүн былааны билиһиннэрэн баран, биир идэлээхтэригэр тахсыылаах үлэни баҕарда.
Чурапчы улууһун култуураҕа управлениетын салайааччытын солбуйааччы Максим Смирников бэлиэтээбитинэн, Чурапчыттан 15 киһилээх дэлэгээссийэ кэлэн кыттыыны ыла сылдьар.
— Ол курдук, норуот айымньытын дьиэлэрин дириэктэрдэрэ, методист исписэлиистэр кэлэн кыттыыны ылаллар. Үлэбитигэр олус туһалаах араас бырагыраамалары билиһиннэрдилэр. Кэлин киэҥник туттуллан эрэр «Пушкинскай каарталар» өрөспүүбүлүкэ бары улуустарыгар туттуллан барыахтарын эттилэр. Маннык тэрээһиннэр, биһиэхэ, култуура үлэһиттэригэр олус наадалаахтар, — диэн кини санаатын үллэһиннэ.
Култуура үлэһиттэрэ сыл саҕаланыытыгар сонун сүүрээннэри олоххо киллэрэллэригэр, биллэн турар, маннык тэрээһиннэр көҕүлүүллэрэ чахчы.
Ааптар хаартыскаларга түһэриитэ.
Мэҥэ Хаҥалас улууһугар Аллараа Бэстээххэ байыаннай дьайыы бэтэрээннэригэр уонна кинилэр дьиэ кэргэттэригэр анаан биисинэс-сэминээр ыытылынна. …
Өс хоһоонугар аһыырга 40 аньыы (бобуу) баар диэн этиллэр. 40, арыт, 44 буоларын бэлиэтииллэр. Дьэ,…
Диспансеризацияны байыаннай дьайыы бэтэрээннэрэ, уопсайа 1381 киһи барбыт. Бу туһунан СӨ доруобуйа харыстабылын министиэристибэтин нэһилиэнньэҕэ…
Бүгүн, олунньу 2 күнүттэн, Саха сиригэр бырабыыталыстыба отчуота маҥнайгынан Муома улууһуттан саҕаланна. Муома улууһугар СӨ…
Нерюнгри оройуонугар быйыл 1,2 мөл. туонна тимир руда хостоноро былааннанар. Өрөспүүбүлүкэ бырамыысыланнаһын уонна геологиятын…
Өрөспүүбүлүкэ борокуруора Сергей Дябкин сорудаҕынан ыытыллыбыт бэрэбиэркэ түмүгүнэн, 2026 сыл тохсунньу 20 күнүгэр икки оҕо,…