Быйыл от ыйын 1-2 күннэригэр Өймөкөөн улууһугар ыытыллыахтаах Олоҥхо ыһыаҕар министиэристибэлэр уонна биэдэмистибэлэр бэлэмнэнии үлэтин ыыталлар.
Ол курдук, муус устар 11 күнүгэр өрөспүүбүлүкэтээҕи Норуот айымньытын дьиэтин фольклорга кылаабынай исписэлииһэ, Олоҥхо ыһыаҕын куонкурустарын куратора Александра Васильева тэрийиитинэн олоҥхоһуттары кытта үлэлиир эппиэттээх дьон мустан мунньахтаатылар.
Бу тэрээһин туһунан улуустааҕы култуура управлениетын салайааччытын солбуйааччы Мария Максимова маннык сырдатта:
— Өрөспүүбүлүкэтээҕи Норуот айымньытын дьиэтин научно-методическай уонна тас сибээскэ үлэҕэ олоҥхо киинин сүрүннүүр исписэлииһэ, Өймөкөөҥҥө ыытыллар Олоҥхо ыһыаҕар Олоҥхо түһүлгэтин салайааччыта Ульяна Флегонтова олонхоһуттары түһэриигэ, аһатыыга, көрсүүгэ улахан болҕомто ууруллуохтааҕын бэлиэтээтэ. Оскуола оҕолоругар, ыччаттарга, улахан дьоҥҥо, бөлөҕүнэн толорооччуларга, тута хоһуйууга диэн маннык биэс тус-туһунан түһүлгэ үлэлиирэ былааннанар. Хас биирдии түһүлгэҕэ эппиэттээх дьону таһынан, икки-үс көмөлөһөр волонтер баар буолуоҕа. Түһүлгэ аайы сылаас үүттээх чэй, алаадьы, кымыс, бурдук ас күнү быһа баар буолуохтааҕын эттилэр. Бу эппиэттээх салаа тэрээһинигэр атын улуустартан култуура волонтердара тиийэн көмөлөһүөхтэрэ.
Оттон муус устар 12 күнүгэр СӨ Култуураҕа уонна духуобунай сайдыыга миниистирин 1-кы солбуйааччы Афанасий Ноев көҕүлээһининэн Олоҥхо ыһыаҕын тэрийээччилэрин сүбэ мунньаҕа буолла.
Мунньахха Өймөкөөҥҥө ыытыллар Олоҥхо ыһыаҕын сүрүн режиссера, култуура диэйэтэлэ Андрей Борисов, Олоҥхо тыйаатырын дириэктэрэ Мария Турантаева кыттыыны ыллылар.
Болҕомто ордук ыһыах алгыһыгар, үөрүүлээх аһыллыытын сиэригэр-туомугар, ис хоһоонугар уурулунна.
Биллэн турар, сүрүн кыттааччыларынан Өймөкөөн улууһун олохтоохторо уонна нэһилиэктэр оскуолаларын үөрэнээччилэрэ буолаллар. Онон мунньах кыттааччылара Оҕо лааҕырын ыһыахха бэлэмнэнэрдии, бэс ыйын 13 күнүттэн от ыйын 2 күнүгэр диэри тэрийэр ордук диэн этии киллэрдилэр. Ыаллыы улуустартан, лааҕыр оҕолорун таһарга оскуола массыыналарын уларсар наадатын ыйдылар.
Тэрээһин мунньах СӨ Култуураҕа уонна духуобунай сайдыыга миниистирин 1-кы солбуйааччы Афанасий Ноев, Олоҥхо тыйаатырын дириэктэрэ Мария Турантаева, Олоҥхо ыһыаҕын режиссера Андрей Борисов, өрөспүүбүлүкэтээҕи Норуот айымньытын дьиэтин салайааччыта Сергей Семенов муус устар 20 күнүгэр тиийэн олохтоох нэһилиэнньэни кытта көрсүһэн, сүбэ мунньаҕы тэрийэллэрин туһунан быһаарыынан түмүктэннэ.
Ыйытыы: РФ Үлэ кодексын 128 ыстатыйатынан көрүллүбүт, хамнаһа суох уоппуска хайдах бэриллэрий? Үлэни биэрээччи үлэһит…
Өр сылларга эргэ хаарбах дьиэҕэ олорбут Өрөспүүбүлүкэтээҕи (коррекционнай) интэринээт-оскуола үс сыллааҕыта үс этээстээх таас саҥа…
Саха сиригэр 2025 сыл 8 ыйын устата кэҥэтиллибит неонатальнай чинчийии көмөтүнэн, түөрт кыһыл оҕоҕо сэдэх…
СӨ Борокуратуурата иһитиннэрбитинэн, былырыын бэс ыйыгар 33 саастаах Дьокуускай куорат олохтооҕо тиэргэҥҥэ турар «КАМАЗ-5410» массыынаттан…
Дьокуускайга элбэх кыбартыыралаах дьиэлэргэ сылааһы биэрии 100% хааччылынна. Бу туһунан Дьокуускай куорат баһылыгын солбуйааччы Владислав…
Хоту көһөрүллүү күнүн бэлиэтиир тэрээһиннэр чэрчилэринэн, Чурапчыга “Айылгы” НАДь фойетыгар Саха сиригэр соҕотох баталист-худуоһунньук Иван…