Хаартыска: СӨ култууратын уонна духуобунай сайдыытын министиэристибэтин саайтыттан
Култуура үлэһиттэрэ халаан уутуттан эмсэҕэлээбит түмэл дьиэтин чөлүгэр түһэрэргэ көмөлөстүлэр.
Быйыл сайын Өймөкөөн улууһун хас да нэһилиэнньэлээх пууна халаантан улаханнык эмсэҕэлээтэ. Уус Ньара бөһүөлэгэр кыраайы үөрэтэр түмэл эмиэ эмсэҕэлээбитэ. Үлэһиттэр түргэн быһаарыныыны ылынаннар, түмэл сыаналаах матырыйаалларын быыһаабыттара. Ол эрээри, эмсэҕэлээбит түмэл дьиэтин чөлүгэр түһэрэргэ улахан үлэ ыытыллара наада этэ. Маныаха Саха сирин култууратын үлэһиттэрэ уопсай дьыала туһугар биир санаалаахтарын, түмсүүлээхтэрин көрдөрдүлэр.
Бу туһунан СӨ култууратын уонна духуобунай сайдыытын министиэристибэтэ иһитиннэрэр. Ол курдук, тустаах министиэристибэнэн суһал бөлөх тэриллибит. Аҕыс киһилээх бөлөх Уус Ньараҕа түмэл дьиэтин чөлүгэр түһэриигэ далааһыннаах үлэни ыыппыт. Кэллиэгэлэрэ үтүө санааларынан хомуйбут үптэринэн атыылаһыллыбыт тутуу матырыйаалларын илдьэ тиийбиттэр. Көмөҕө тиийбит биригээдэ кылгас болдьох иһигэр чөлүгэр түһэрэр үлэни хаачыстыбалаахтык уонна түргэнник толорбут. Кинилэр бу үлэлэрин таһынан, олохтоохторго болҕомтолорун эмиэ уурбуттар. Бөһүөлэк оҕолоругар анал дьарыктары, маастар-кылаастары ыыппыттар. Көмө, өйөбүл оҥоһуллубутун түмүгэр, түмэл үлэтин саҕалыырга бэлэм буолбут.
Чөлүгэр түһэрэр үлэлэри таһынан, култуура эйгэтин үлэһиттэрэ халаантан эмсэҕэлээбиттэргэ гуманитарнай көмөнү оҥорбуттар.
Сиһилии: https://minkult.sakha.gov.ru/news/1015
СӨ култууратын уонна духуобунай сайдыытын министиэристибэтин саайтыттан
Хаартыска: СӨ култууратын уонна духуобунай сайдыытын министиэристибэтиттэн
Дьокуускайга олунньу 22 күнүгэр "Быть здоровым -- это модно!" диэн 14-с төгүлүн ыытыллар Норуоттар икки…
Педагогическай наука кандидата Елизавета Петровна Гуляева ыҥырыытынан, Ийэ тыл күнүгэр Дьокуускай куорат 31 нүөмэрдээх орто…
Саха сирин сүүмэрдэммит хамаандатын дзюдоистката Аина Моисеева Ташкент куоракка ыытыллар «Большой шлем» күрэхтэһиигэ дойду сүүмэрдэммит…
Тимофей Сметанин уонна Яков Стручков кэпсээннэринэн уһуллубут "Мэхээлэчээн булчут" киинэ кулун тутар 19 күнүттэн улахан…
Бүгүн, олунньу 13 күнүгэр, Дьокуускай куоракка «Патриот» ыччат киинигэр оҕону, ыччаты патриотическай иитиигэ улахан суолталаах…
Саха сирин психологтара байыаннай дьайыы кыттыылаахтарын ийэлэрин өйүүргэ туһуламмыт «Искусство терапията» диэн саҥа бырайыагы саҕалаатылар.…