Култуура үлэһиттэрэ Улуу Кыайыы 80 сылынан бэтэрээни эҕэрдэлээтилэр

Икки кэм Дьоруойдара Филипп Евсеев уонна Аҕа дойду сэриитин бэтэрээнэ Мартын Григорьев биир түһүлгэҕэ көрүстүлэр.

Арассыыйа Дьоруойа ытык кырдьаҕаска үтүө тылын анаата, доруобай, чэгиэн-чэбдик буолууну баҕарда.

Быйыл 100 сааһын томточчу туолуохтаах ытык кырдьаҕас Сунтаар ылбаҕай ырыатын, тойугун истэн олус үөрдэ. Дьиэтин тэлгэһэтигэр тахсан, сылаас олбоҕор олорон ытыс тыаһынан доҕуһуоллата. 1943 сыллаахха эдэркээн 18 сааһын саҥа туолбут уол армияҕа сулууспаҕа ыҥырыллан баран, устунан дьоппуон сэриитин түмүктэспитэ. Дьиэтигэр 1950 сыллаахха эргиллэн кэлэн, уһуннук бытовой кэмбинээккэ хаһаайыстыбаннай чааска үлэлээбитэ. Саамай баҕарар баҕата – эйэлээх халлаан анныгар дойдубут барҕара сайдыыта диэн @suntaar_ulus суруйар.