Хаартыска: М.Васильева (СИА)
Култуура үлэһитин күнүгэр Дьокуускайга култуура уонна ускуустуба диэйэтэллэрин эҕэрдэлээтилэр. Кинилэр култуура бастыҥын бэлиэтинэн, судаарыстыбаннай наҕараадаларынан уонна СӨ Ил Дарханын, Бырабыыталыстыбатын грамоталарынан бэлиэтэннилэр.
Наҕараадалары СӨ Ил Дарханын уонна бырабыыталыстыбатын дьаһалтатын салайааччы Георгий Михайлов, СӨ култуура уонна духуобунай сайдыы миниистирэ Афанасий Ноев, ону сэргэ СӨ Судаарыстыбаннай Мунньаҕын (Ил Түмэнин) култуураҕа уонна сонуну киэҥниҥ тарҕатар сириэстибэлэргэ бастайааннай кэмитиэтин бэрэссэдээтэлэ Виктор Губарев туттардылар.
«РФ Бэрэсидьиэнэ Владимир Путин көмөтүнэн култуура сайдарыгар ахсаабат болҕомто ууруллар. Федеральнай уонна өрөспүүбүлүкэ салалталарын өйөбүлүнэн өрөспүүбүлүкэ култуурата сайдар. Ону култуура тэрээһиннэригэр сылдьыы элбээбитэ туоһулуур (2019 сылтан 1,8 төгүл элбээтэ). Култуура 500-тэн тахса үлэһитэ сыл аайы идэтин үрдэтинэр. Култуура тэрилтэлэрэ уопсастыбаннай-бэлитиичэскэй тэрээһиннэргэ көхтөөхтүк кытталлар. Култуура диэйэтэллэрэ байыаннай чаастарга уонна госпиталларга кэнсиэртииллэр, байыаннай эпэрээссийэ кыттыылаахтарын уонна кинилэр дьиэ кэргэттэрин өйүүллэр», – диэтэ Георгий Михайлов.
Тыйаатыр ускуустубата сайдарыгар ураты кылаатын уонна өр сыллаах көдьүүстээх үлэтин иһин Саха тыйаатырыгар 50 сыл үлэлээбит РФ үтүөлээх артыыһа Герасим Васильевка Алексей Кулаковскай-Өксөкүлээх Өлөксөй аатынан судаарыстыбаннай бириэмийэни туттардылар.
Быйыл “Саха” НКИХ билигин “Тэтим” араадьыйанан биллэр Саха араадьыйата төрүттэммитэ 95 сыллаах үбүлүөйүн бэлиэтиир. Араадьыйаны…
Дьокуускай куоракка суол быһылааныгар киһи өлбүтүнэн холуобунай дьыалаҕа бириигэбэр таҕыста. СӨ Борокуратууратын иһитиннэриитинэн, Дьокуускай куорат…
Юрий Платонов аатынан Эстрада тыйаатырын артыыһа, СӨ култууратын туйгуна, ырыаһыт уонна ырыа айааччы Аркадий Николаев-Эрхаан…
Сыллата халлаан лаппа сылыйбытын кэннэ сэтиэнэҕи уматыыттан баһаар ахсаана элбиир, ол улахан баһаарга тиэрдэр кутталлаах.…
ХОЙ Күн бэркэ саҕаланыа. Тугу санаабыккын барытын олоххо киллэрэн иһэр хорсун санааланыаҥ. Бары дьыалаҕа көхтөөхтүк…
Саха сиригэр бүгүн, ыам ыйын 10 күнүгэр, үгүс оройуоннарынан кыралаан ардыыр, соҕуруу, соҕуруулуу-арҕаа, арҕаа кыралаан…