Култуура үлэһиттэрин идэлээх бырааһынньыктарынан!

Бүгүн, кулун тутар 25 күнүгэр, Култуура үлэһитин күнэ. Арассыыйаҕа аан бастакытын бэлиэ даата 2008 сыллаахха бэлиэтэммитэ.

Дойду Бэрэсидьиэнэ В.В. Путин «Култуура үлэhитин Күнүн туhунан» ыйааҕа 2007 сыллаахха атырдьах ыйын 27 күнүгэр тахсыбыта.

Бу күнү айар-тутар идэлээхтэр, ускуустуба диэйэтэллэрэ, кинилэри сэргэ култуура, олох-дьаһах сайдыытыгар уруккуттан ордон хаалбыты харыстыыр уонна биллэрэр-иһитиннэрэр аналлаахтар бырааһынньыктыыллар. Бырааһынньыктааҕы күн Арассыыйа үрдүнэн тыа сирин кулууптарыгар уонна үлэһиттэригэр ураты болҕомто ууруллар. “Култуура” национальнай бырайыак чэрчитинэн кулууптары саҥардыы уонна саҥа дьиэлэри тутуу курдук үгүс үлэ ыытыллар.
Бэлиэ бырааһынньыкка култуура уонна ускуустуба диэйэтэллэригэр судаарыстыбаннай уонна биэдэмистибэннэй наҕараадалары туттараллар.

Култуура эйгэтин бары үлэһиттэрин идэлээх күҥҥүтүнэн итиитик-истиҥник эҕэрдэлиибит!

Айымньылаах үлэҕит аартыга кэҥии, үтүөҕэ-сырдыкка угуйа-ыҥыра туруохтун, тус бэйэҕитигэр уонна дьиэ кэргэҥҥитигэр дьолу, чэгиэн-чэбдик туругу, этэҥҥэ буолууну баҕарабыт!