Хаартыска: Семен Семенов тиксэриитэ
Култуура көҕүлээһиннэрин өйүүр бэрэсидьиэн пуондатын Гранын кыайыылаахтара билиннилэр.
Уопсайа бу күрэскэ дойду 89 эрэгийиэниттэн 11 795 сайаапка киирбит. Итинтэн 810 барыл өйөбүлү ылла. Саха сириттэн 11 араас таһымнаах барыл кыайбытыттан, иккитэ биһиги улууспут. Онон үөрүү өрөгөйө буолла.
Ол курдук, Орто Суртааҕы сынньалаҥ киинин «Музыкаҕа бириэмэ» култуурунай-сырдатар эйгэ” барыла (ааптар Ульяна Александровна Суханова, Маҥаны нэһилиэгин сынньанар киинин дириэктэрэ) кыайда. Сүрүн сыала-соруга оскуола үөрэнээччилэригэр уонна ыччаттарга анаан, табыгастаах киэҥ эйгэни олохтоон, айар үлэни үрдэтии буолар.
Иккис кыайыылаахпыт Бэрдьигэстээххэ баар «Сардаана» уустук балаһыанньаҕа түбэспит уонна элбэх оҕолоох ыаллары өйөөһүн кэмиэрчэскэйэ суох автономнай тэрилтэ, “Эрилик” айар-тутар устуудьуйа барыла өйөбүлү ылла, кыайыылаах үрдүк аатын сүктэ. Сүрүн сыала-соруга национальнай култуураҕа уонна үгэскэ оскуола иннинээҕи саастаах уол оҕолору сыһыарыы, өрө тутуу уонна сырдатыы буолар.
Маннык барыллар олоххо киирэн иһэллэрэ улууспут уонна кини дьоно-сэргэтэ сайдарыгар улахан оруолу оонньуура мөккүөрэ суох. Хас биирдии улууспут олохтооҕо дойдубут, үүнэр көлүөнэбит туһугар диэн өйдөөх-санаалаах үлэлии-хамсыы сылдьара кэрэхсэбиллээх.
Кыайыылаахтарга итии-истиҥ эҕэрдэ буолуохтун, санаабыттара сатанан харгыһа суох олоххо киирэн иһиэхтин. Туруоруллубут сыаллар толору туолалларыгар баҕарабыт!
Семен Семенов,
Горнайдааҕы кииннэммит библиотечнай ситим бырайыактыыр киинин исписэлииһэ
Хаартыска: Семен Семенов тиксэриитэ
Быйыл үгүс улуустарга отон үчүгэйдик үүммэтэ диэн кэпсэтэллэрин элбэхтик истэбин. Аны дьэдьэн, моонньоҕон да урукку…
Дьокуускайга полицейскайдар Жорницкай уулусса тиэргэнигэр тахсыбыт иирсээҥҥэ буруйдаах эр киһи ким буоларын быһаардылар. Атырдьах ыйын…
Балаҕан ыйын 7 күнүгэр Өлүөхүмэ улууһугар Таборнай диэн сиргэ сир хамсааһына бэлиэтэннэ. Бу туһунан ЯСИА…
Өрөспүүбүлүкэҕэ кыра кэмпилиэктээх оскуолалар дьылҕалара хайдаҕый? Учуутал тиийбэт кыһалҕатын хайдах быһаараллар? Оҕолор буруйу оҥорууларын сэрэтиигэ…
Арассыыйа уонна Донецкай Өрөспүүбүлүкэ Дьоруойа Дмитрий Егоров дойдутугар өйдөбүнньүк искибиэр өрөгөйдөөх түгэҥҥэ аһылынна. Гвардия рядовойа,…
Бүгүн, балаҕан ыйын 7 күнүгэр, өрөспүүбүлүкэ соҕуруу өттүгэр, хоту, хотугулуу-илин ардах түһэрэ күүтүллэр. Хотугулуу-илин, Өлүөнэ…