Кулун тутар 1 күнүттэн «Өлүөнэ очуостара» Айылҕа национальнай паарката туристары көрсүөҕэ

Кулун тутар 1 күнүттэн туристарга анаан «Өлүөнэ очуостара» Айылҕа национальнай паарката быйылгы кыһыҥҥы туризм сааскы сезонун арыйыаҕа.

“Эһигини аатырбыт Өлүөнэ дьикти ураты очуостара, саҥа оҥоһуллубут очуоска дабайыы кирилиэһинэн тахсан, айылҕа кэрэ миэстэтин хаартыскаҕа, видеоҕа устан үйэтитии күүтэр. Дьиэ кэргэнинэн тиийдэххэ,  хатааһылыыр сыыр, каток, муус оҥоһуктар үөрдүөхтэрэ. Сынньалаҥнарын ыраас салгыннаах айылҕаҕа атаарыан баҕалаах дьону Өлүөнэ очуостарыгар диэри хас чэппиэр уонна субуота аайы киин куорат автовокзалыттан оптуобустар илдьиэхтэрэ. Билиэттэри автовокзал саайтыгар атыылаһыахха сөп. Айан төлөбүрэ 10 хонук иннинэ атыыга тахсыаҕа. Айылҕа национальнай пааркатыгар билиэт туспа төлөнөр” диэн СӨ Туризм уонна маркетинг сайдыытын ааҕыныстыбата бэйэтин телеграм-ханаалыгар иһитиннэрдэ.