Үлэ биэрээччи настаабынньыктааһын иһин эбии төлөбүрү көрүөхтээх

Арассыыйаҕа үлэ биэрээччилэр кулун тутар 1 күнүттэн настаабынньыктыыр үлэһиттэригэр эбии төлөбүрү көрүөхтээхтэр.

Бу туһунан РИА Сонуннарга AИД юридическай бөлөх генеральнай дириэктэрэ Давид Адамс иһитиннэрдэ.

Билигин настаабынньыктыыр үлэ үлэһит суругунан сөбүлэҥэр эрэ олоҕуруохтаах, ону олоххо киллэрии усулуобуйата үлэ дуогабарыгар эбэтэр эбии дуогабарга ыйыллыахтаах.

«Ол гынан баран чааһынай секторга быраабылалар ордук араастаһаллар — үлэ биэрээччилэр бэйэлэрин компенсацияларын кээмэйин олохтуохтарын сөп, ол гынан баран кэлэктиибинэй сөбүлэһии эбэтэр олохтоммут нуормаламмыт правовой аакта таһымыттан кыра буолуо суохтаах”, — диэтэ Адамс.

Тэрилтэҕэ маннык систиэмэтин оҥорорго хас да түгэн биирдэ учуоттанар: үлэ хайдаҕа, төһө уустуга уонна салаа уратыта. Холобур, сорох ОДьКХ тэрилтэлэригэр настаабынньыктааһын иһин эбии төлөбүр кээмэйэ акылаат 10%-тан кырата суох.

Кини эбэн эппитинэн, үлэһиттэр бэйэлэрин баҕаларынан настаабынньык буолуохтарын сөп, ким да кинилэри уопута суох кэллиэгэлэргин үөрэт диэн модьуйбат. Онтон төлөбүр кээмэйэ эбии  ноҕоруускаҕа эппиэттээбэт буоллаҕына, үлэһиттэр бу үлэни толороллоро саарбах.