Кулун тутар 2 күнэ — Бүтүн аан дойдутааҕы кулгаах чөл туругун уонна истиини харыстыыр күн

Бүгүн, кулун тутар 2 күнүгэр,  Бүтүн аан дойдутааҕы кулгаах чөл туругун уонна истиини харыстыыр күн.

Быйыл Бүтүн аан дойдутааҕы кулгаах чөл туругун уонна истиини харыстыыр күн уопсастыбаҕа кулгаах ыарыытын кыһалҕаларыгар уонна нэһилиэнньэ, ол иһигэр мэдиссиинэ үлэһиттэрин ортолоругар кырдьыктаах информацияны тарҕатыыга туһуланар.

Бу хайысхаҕа Саха сирэ бэйэтэ туспа ситиһиилэрдээх. Ол курдук,  доруобуйа харыстабылын устуоруйатыгар 2018 с. алтынньы 13 күнэ биир бэлиэ даатанан киирбитэ. Өрөспүүбүлүкэтээҕи 2 №-дээх балыыһаҕа — Суһал мэдиссиинэ көмөтүн киинигэр улахан дьон кулгаахтарын чөлүгэр түһэриигэ үс эпэрээссийэ ситиһиилээхтик оҥоһуллубута. Ити кэмтэн ыла өрөспүүбүлүкэҕэ ыарыһахтарга кохлеарнай имплант матырыйаалынан хааччыйыы, ыарыһахтары чөлүгэр түһэрии бүгүҥҥү күҥҥэ диэри тохтоло суох ыытыллар.

Бэлиэтээн эттэххэ, сыл ахсын дойду үрдүнэн кулгаахтарынан истибэт оҕолору уонна улахан дьону кохлеарнай имплант матырыйаалынан хааччыйыы боппуруоһа  уустугуран иһэр уонна быһаарыыны эрэйэр. СӨ Ил Дархана Айсен Николаев кулгаахтарынан истибэт оҕолору уонна улахан дьону кохлеарнай имплант матырыйаалынан хааччыйарга федеральнай сокуоҥҥа уонна аахталарга уларытыылары киллэрэргэ ордук болҕомтотун уурар.

Санаттахха, оҕолорго уонна улахан дьоҥҥо кохлеарнай имплант матырыйаалынан хааччыйыы ОМС суотугар оҥоһуллар. Эпэрээссийэҕэ ыарыылары чинчийии Мэдииссинэ национальнай киинин 1 № дээх Сурдологическай киин өрөспүүбүлүкэтээҕи 1 №-дээх балыыһаҕа ыытыллар.